Adidas ndërpret partneritetin me Kanye West, shkak komentet në rrjete sociale!
E Martë 25 Tetor 2022, 17:05
Dritare.net
Adidas i ka dhënë fund partneritetit me Kanye West, duke thënë se nuk toleron antisemitizmin pasi reperi u pezullua nga Instagram dhe Twitter për shkak të postimeve fyese.
Marka gjermane sportive tha se komentet dhe veprimet e fundit nga West, i cili zyrtarisht ka ndryshuar emrin e tij në Ye, kanë qenë të papranueshme, plot urrejtje dhe të rrezikshme, dhe ato shkelin vlerat e kompanisë për diversitetin dhe përfshirjen, respektin reciprok dhe drejtësinë.
Kompania tha se do të merrte një goditje "afatshkurtër" prej 250 milion € (217 milion £) për të ardhurat e saj për këtë vit pasi vendosi të ndalojë biznesin e markës me efekt të menjëhershëm. Ata do të ndalojnë prodhimin e artikujve nën markën Yeezy të West dhe do të ndalojë të gjitha pagesat për muzikantin dhe kompanitë e tij.
Në vitin 2020, partneriteti solli afro 1.7 miliardë dollarë të ardhura për Adidas, sipas Bloomberg, dhe do të skadonte në vitin 2026. Humbja e të ardhurave do të jetë një goditje për Adidas, e cila kohët e fundit paralajmëroi se marzhet e fitimit dhe shitjet e saj po goditeshin pasi stoqet grumbulloheshin në magazina për shkak të ngadalësimit të kërkesës konsumatore.
Pasuria personale e West ka të ngjarë të marrë një goditje, me Forbes që raporton se artisti tani ka një vlerë prej 400 milion dollarë, nga 2 miliardë dollarë në listën e miliarderëve të revistës këtë vit. West ka pohuar se marrëveshja me Adidas kishte vlerë më shumë se 4 miliardë dollarë dhe llogaritjet e Forbes ishin të gabuara./The Guardian/M.K/dritare.net
