Alarm në SHBA: Tërhiqen karkalecat e ngrira për rrezik radioaktiv
E Martë 21 Tetor 2025, 20:08
Dritare.net
Kompania AquaStar (USA) Corp me bazë në Seattle, ka njoftuar një tërheqje vullnetare të disa produkteve të saj me karkaleca të ngrira, pasi mund të jenë ekspozuar ndaj kontaminimit radioaktiv me cesium-137. Këto produkte janë shitur në disa shtete të SHBA-së. Administrata Amerikane e Ushqimit dhe Barnave (FDA) ka këshilluar konsumatorët të mos i hanë apo shesin këto produkte dhe t’i kthejnë për rimbursim.
Deri tani nuk është raportuar ndonjë sëmundje e lidhur me këtë çështje.
Ceziumi-137 është një nënprodukt radioaktiv i ndarjes bërthamore dhe, ekspozimi ndaj substancës me kalimin e kohës mund të rrisë rrezikun e kancerit dhe të shkaktojë dëmtime qelizore. Tërheqjet e mëparshme të produkteve të karkalecave për shkak të shqetësimeve të ngjashme kanë ngritur pyetje të reja në lidhje me ushqimet e importuara dhe kanë nxitur shqyrtimin federal të përpunuesve dhe furnizuesve të prodhimeve të detit jashtë vendit.
Është e rëndësishme të theksohet se asnjë nga karkalecat e tërhequr nga tregu nuk rezultoi pozitiv për cezium-137, por tërheqja u krye në mënyrë paraprake për të parandaluar edhe rrezikun teorik. Deri në mesin e tetorit 2025, nuk janë raportuar simptoma ose sëmundje të shoqëruara me ekspozimin ndaj rrezatimit nga këto produkte./dritare.net
