Video/ Rama: Po ndërtohet një tjetër spital lufte, për të mbrojtur të sëmurët me koronavirus

Kryeministri i vendit, Edi Rama, bashkë me ministren e Shëndetësisë, Ogerta Manastirliu kanë parë nga afër strukturën që do të kthehet në spital për pacientët me Covid-19.  Spitali i ri do të ndërtohet në ish-godinën e universitetit privat "Kristal".

Kryeministri shkruan në Facebook se, po ndërtohet një tjetër spital lufte, për të garantuar mbrojtjen e të sëmurëve me Covid-29. Spitali i ri do të jetë për trajtim bazë të të prekurve, jo terapi intensive. Do të vendosen 100 shtretër dhe do të bëhen instalimet e oksigjenit. Çdo kat do të ketë një farmaci dhe një laborator bazë. Ministrja Manastirliu ka thënë më parë se spitali do të jetë gati për 20 ditë