Temperatura të ulëta dhe dëborë. Ja akset me probleme!
E Diel 10 Dhjetor 2023, 18:06
Dritare.net
Temperaturat e ulëta kanë sjellë dëborë në disa qytete në vend. I gjithë qarku i Dibrës është përfshirë nga reshje me intensitet të lartë.
Në Korçë-Dardhë, në Tamarë-Vermosh, në Qafë Thore-Bogë kanë filluar reshjet e dëborës me intensitet mesatar.
Reshje me intensitet ka patur edhe në bypass-in e Murrizit pjesë e rrugës së Arbrit. Prej pak minutash reshjet janë intensive ndërsa vazhdon të ketë probleme me qarkullimin e automjeteve tek baypass-i i Murrizit , pjesë e rrugës së Arbrit.
Mjetet borëpastruse dhe punëtorët e mirëmbajtjes sipas ARRSH janë në terren dhe kanë vijuar punën pa ndërprerje.
Sipas autoriteteve drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore./L.F-dritare.net
