Rama: Edhe pak ditë dhe baret e restorantet do të qëndojnë hapur dhe pas orës 21:00!
E Martë 19 Maj 2020, 17:05
Dritare.net
Kryeministri Edi Rama ka folur sot për masat lehtësuese të pandemisë ku tha se edhe pak ditë baret dhe restorante do të qëndrojnë hapur dhe pas orës 21:00 në zonat e kuqe. Ndërsa për zonat e gjelbra Rama tha se mund të qëndrojnë hapur.
“Deri në orën 21:00 është e lirë lëvizja pa autorizim dhe lokalet dhe restorantet në zonat e tjera mund të rrinë hapur dhe përtej orës 21:00. Në zonat e kuqe dhe për pak ditë do rrinë hapur deri në 21:00 dhe pastaj dhe më gjatë gjithmonë duke shërbyer jashtë jo brenda”, deklaroi Rama.
Sa i takon ekonomisë, Rama tha se do të ketë rimëkëmbje vitin e ardhshëm.
“Ne do të kemi një periudhë rezistence deri në shtator. Do të mbledhim të gjitha forcat dhe do të marrim vrull deri në fund të vitit dhe viti i ardhshëm do jetë një vit më i mirë se ç’kishim situatën para se të vinte COVID”, tha Rama./E.B-dritare.net
