Princi Philip do të qëndrojë në spital për shkak të një infeksioni!
E Martë 23 Shkurt 2021, 17:05
Dritare.net
Princi Philip do të vijojë të qëndrojë në spital edhe për disa ditë të tjera. Së fundmi Pallati Buckingham, njoftoi se Duka i Edinburgut po trajtohet për një infeksion. Princi 99-vjeçar, u shtrua në Spitalin e Mbretit Edward VII në Londër të martën e kaluar. Si duka, ashtu edhe mbretëresha u vaksinuan kundër Covid-19 muajin e kaluar. Por problemet e tij në shëndet kohët e fundit nuk kanë lidhje me koronavirusin. Princi Philip u tërhoq nga jeta publike në 2017-ën. Për shkak të moshës, Duka është shtruar disa herë në spítal, vitet e fundit. Mbretëresha dhe Princi Philip e kaluan pjesën më të madhe të vitit të kaluar në Windsor Castle, pasi u larguan nga Buckingham Palace gjatë valës së parë të pandemísë së Covíd-19./L.F-dritare.net
