Edi dhe Olsi Rama mesazh miqve dhe familjarëve pas humbjes së nënës së tyre!
Dritare.net
Është ndarë nga jeta ditën e sotme, Aneta Rama, nëna e kryeministrit Edi Rama.
Në një mesazh gjithë miqve, të afërmve dhe familjarëve, Edi dhe Olsi Rama thonë se “për pamundësinë e pritjes së ngushëllimeve e të ceremonisë së përcjelljes së nënës sonë në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit”.
Mesazhi i plotë i Edi dhe Olsi Ramës
Përulësisht u lutemi familjarisht mirëkuptim të gjithë të afërmve e miqve të mirë, për pamundësinë e pritjes së ngushëllimeve e të ceremonisë së përcjelljes së nënës sonë në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit. I falenderojmë të gjithë për mesazhet prekëse që vazhdojnë ta na vijnë për humbjen e nënës sonë të shtrenjtë dhe e vlerësojmë shumë respektin e mirëkuptimin e kujtdo që do të donte të ishte edhe fizikisht pranë nesh në këtë ditë të vështirë.
Edi dhe Olsi Rama./ I.M-Dritare.net