Dashi
Fillimi i muajit do jetë shumë i qetë sidomos për ju që jeni në një lidhje. Do reflektoni me kujdes për çdo hap që do hidhni dhe nuk do nxitoheni. Pas datës 12 situata ka rrezik të pësojë disa ndryshime. Tregohuni të kujdesshëm sepse shumë persona do mundohen t'iu prishin punë. Ju beqarët nuk do keni mundësi shumë të mira për të realizuar takime të rëndësishme, megjithatë muaji nuk do jetë i keq. Miqtë dhe familjaret do ju surprizojnë në çdo moment. Nëse për shëndetin nuk përkujdeseni, situata do ju dalë tërësisht jashtë kontrollit. Do keni goxha shqetësime. Financat do jenë herë pas here delikate. Shpenzoni aq sa mundeni, mos i kaloni limitet. Në punë do përballeni me një problem serioz të cilat do e kaloni vetëm me ndihmën e kolegeve. Asgjë nuk do jetë aq e thjeshtë sa e keni menduar.
Demi
Ky do jetë një muaj shumë pozitiv për të gjithë. Do i shihni gjërat me një sy tjetër dhe do ju gjeni zgjidhje problemeve. Nëse jeni në një lidhje do filloni projekte të përbashkëta me partnerin dhe do afroheni më shumë se kurrë me njëri-tjetrin. Në çdo kohë do mbizotërojë harmonia, paqja dhe bashkëpunimi. Ju beqarët vërtet do keni takime të rëndësishme dhe emocionuese, por bëni mirë të mateni mirë para se të hidhni hapa të mëdha. Shëndeti do ketë shqetësime shumë të vogla. Do e merrni çdo gjë me lehtësi dhe nuk do e lëshoni veten asnjë çast. Sipas Dritare.net, financat do jenë dinamike që në fillim të muajit. Do mund të shpenzoni sa të doni për ato që keni nevojë dhe do hiqni edhe para mënjanë. Në punë do e zgjeroni horizontin dhe do provoni edhe emocione të reja. Do i bindi të gjithë se jeni më të mirët.
Binjakët
Gjate këtij muaji nuk do jeni shumë në humor dhe herë pas here gjërat nuk do ju rrjedhin si do dëshironit. Ju që jeni në një lidhje do kërkoni gjëra të pamundura nga partneri dhe do mërziten kur ai të mos ua plotësojë dëshirat. Reflektoni me kujdes dhe ndreqini gabimet pa qenë vonë. Ju beqarët do i shohin miqtë me një sy tjetër dhe nuk do keni as druajtje t'i shprehin ndjenjat. Statusin do ndryshoni shumë më shpejt nga sa mendonit. Shëndeti herë do jetë i mirë dhe herë mund të ketë probleme të vogla. E mira është të mos qëndroni të mbyllur dhe të merrni ajër të pastër. Për financat, 10 ditët e para do jenë më delikatet. Menaxhojini me kujdes paratë dhe mos shpenzoni shuma të konsiderueshme. Në punë do përballeni me vështirësi, por me pak këmbëngulje dhe me ndihmën e familjareve do ja dilni.
Gaforrja
Këtë muaj do jeni shumë me pozitive se një muaj më parë dhe do e keni më të lehtë komunikimin. Për ju çiftet atmosfera do jetë gjatë gjithë kohës e kënaqshme. Do ndani çdo ide dhe mendim me atë që keni në krah dhe mund të merrni vendime të rëndësishme. Secili prej jush do i dijë pikat e dobëta të partnerit dhe do ja plotësojë dëshirat. Ju beqarët do keni një muaj të mbushur me risi. Nëse takoni persona që do ju tërheqin që me shikim të pare, mos i lini t'iu ikin nga duart. Shëndeti nuk do jetë aspak i keq, përkundrazi pas javës së parë do jeni edhe më energjikë dhe në formë të shkëlqyer. Financat do dini gjithë kohës si t'i menaxhoni dhe nuk do ju dalin të papritura. Në punë do keni ide brilante dhe do i mahnitni të gjithë. As vetë nuk e kishit imagjinuar ndonjëherë suksesin që do arrini.
Luani
Këtë muaj do jeni shumë të përgjegjshëm dhe do ju ndodhin gjëra vërtet interesante në çdo fushë. Nëse keni një lidhje, jeta juaj do jetë e qetë dhe dialogu do mbizotërojë në çdo moment. Do jeni të hapur dhe do i respektoni mendimet e tjetrit. Ju beqarët do keni takime interesante dhe do kaloni momente të bukura pranë disa personave. Mund të mendoni për lidhje ose mund të mjaftoheni thjesht me takime dhe argëtim pa filluar angazhime. Shëndeti nuk do jetë i keq, megjithatë duhet pasur gjithmonë kujdes me ushqimet sidomos me ato që përmbajnë vezë. Financat nuk do jenë aspak ashtu si ju do kishit dashur, por kjo nuk do të thotë që ta lëshoni veten dhe të mos bëni përpjekje për t'i përmirësuar. Në punë duhet të mendoheni disa herë para se të veproni sepse po gabuat nuk do ju falin. Gjithsesi në tërësi do jetë një periudhe e begatë dhe pa vështirësi të mëdha.
Virgjëresha
Në përgjithësi do jeni në humor të mirë gjatë këtij muaji dhe do ecni në rrugën e duhur. Nëse keni një lidhje do kaloni momente të këndshme me partnerin, por nga ana tjetër në disa momente mund të bëheni edhe shumë xhelozë. Mos e teproni sepse do e mërzitni dhe do e largoni nga vetja atë që dashuroni. Mos mendoni keq për të pasi ai ju dashuron me gjithë zemër. Ju beqarët do keni plot takime, por nuk do ndihen gati për të filluar lidhje serioze. Nëse nuk hidhni hapa të paktën mos i lini pas dore disa persona interesantë. Shëndeti do jetë më i mirë se më parë. Do keni energjinë dhe dinamizmin e duhur. Financat do dini si t'i organizoni dhe nuk do ju dalë asnjë lloj problemi në këtë sektor. Në punë do ju duhet më shumë mund dhe sakrifica për të arritur majat e suksesit.
Peshorja
Këtë muaj do keni goxha probleme në familje dhe nuk do ndiheni shumë të qetë. Në përgjithësi do jeni me humor të keq. Nëse jeni në një lidhje nuk do keni as kohë dhe as nerva t'i përkushtoheni si më parë partnerit dhe kjo mund të sjellë probleme. Më e mira do jetë të flisni hapur me partnerin dhe t'ia tregoni situatën në te cilën ndodheni. Ju beqarët do keni surpriza të mira dhe të këqija. Mirë është t'i bëni sytë katër në çdo moment që të mos lëndoheni ose mos i lini mundësitë e mira t'iu ikin nga duart. Shëndeti do jetë shumë herë më i mirë se kohët e fundit, kështu që nuk do keni për çfarë të qaheni. Sipas Dritare.net, financat serish do jenë të pakta, por do ju mbështesin disa miq të ngushte. Në punë do jeni gjithë kohës në stres sepse nuk do mundni dot t'i çoni në drejtimin e duhur paratë që keni.
Akrepi
Këtë muaj do të mbizotërojë një klimë e tensionuar dhe problemet mund të jenë të vazhdueshme. Nëse jeni në një lidhje do keni here pas here debate me partnerin dhe nuk do hapin rrugë lehtësisht. Të dy palët në fakt do jeni kokëfortë dhe ky do jetë një problem i madh. Ju beqarët do keni takime të paparashikuara dhe të veçanta, por do keni frikë të hidhni hapa. Po i latë shumë pas dore do i humbni ata përgjithmonë. Për fat të mire shëndeti nuk do jetë shumë problematik. Përveç shqetësimeve të vogla e kalimtare nuk do ketë asgjë për t'u alarmuar. Financat do vazhdojnë të mbeten delikate. Me zor do i kryeni edhe shpenzimet më të domosdoshme. Në punë duhet të bëni të pamundurën për t'i mbrojtur idetë tuaja sepse shumë kolegë do mundohen t'iu prishin planet.
Shigjetari
Muaj më pozitiv do jete ky për të gjithë. Nëse jeni në një lidhje do përkujdeseni më tepër për atë që keni në krah dhe nuk do doni të bëni ndryshime të mëdha. Ndjenjat do jenë reciproke. Ju beqarët do keni njohje të reja të cilat do fillojnë si miqësi dhe brenda pak javëve do shndërrohen në dashuri emocionuese. Mos kini frike të bëni ndryshime statusi. Gjendja shëndetësore do lërë për të dëshiruar. Nuk do jeni në formën më të mirë edhe sepse nuk do ushqeheni si duhet. Kujdes sepse temperaturat e ngrohta do ju bëjnë ta humbisni tërësisht fuqinë. Buxhetin do e keni në vëmendje dhe do mundoheni ta riorganizoni me kujdes. Pas javës së dytë mund të ketë stabilizim të situatës. Në punë do dini çfarë përpjekjesh të bëni që gjërat të ecin si duhet. Për çdo gjë do reflektoni me kujdes.
Bricjapi
Ky muaj pritet të jetë shumë më i qëndrueshëm se ai që kaluat. Do jeni më të hapur dhe me komunikues me të gjithë. Nëse jeni në një lidhje do kaloni më tepër kohë me atë që doni dhe mund të mendoni t'i çoni gjërat në një tjetër stad. Nëse keni fëmijë do merrni lajme të mira nga kopshti apo shkolla e të vegjëlve tuaj. Ju beqarët do jeni shumë nostalgjike dhe me zor do shkëputeni nga e shkuara. Hapini sytë dhe përfitoni nga ftesat që do iu bëhen. Shëndeti nuk do jetë aspak i mirë. Shumë shpesh stresi dhe lodhja do ju krijojnë probleme të mëdha. Sektori i financave do mbetet delikat deri javën e dytë, ndërsa më pas gjendja do fillojë të normalizohet. Në punë do keni plot projekte për të realizuar dhe nuk do ju mungojë aspak vullneti për t'ia dalë mbanë. Do i rregulloni edhe marrëdhëniet me shefat.
Ujori
Gjatë këtij muaji do mbizotërojë dialogu dhe mirëkuptimi në jetën tuaj. Edhe nëse jeni në një lidhje dhe keni pasur mosmarrëveshje të mëdha më në fund do pajtoheni dhe do ndiheni të qetë. Ju beqarët do jeni gjithë kohës të rrethuar nga miqtë e ngushtë dhe nuk do e keni mendjen për të kërkuar dashurinë. Gjithsesi nga java e tretë ka gjasa të ndodhe diçka e mrekullueshme. Shëndeti nuk do jetë aspak në gjendje të mire. Do e ndieni shumë ndryshimin e temperaturave dhe mund të ftoheni. Financat do jenë të qëndrueshme për aq kohë sa ju të shpenzoni me kujdes. Mos luani me zjarrin sepse mund të digjeni keq. Në punë duhet të bëni plane dhe të ecni në bazë të tyre në mënyrë që të arrini sa më lart. Po ecët kuturu mund të përballeni edhe me disa probleme. Situata në disa raste do ju ndërlikohet së tepërmi.
Peshqit
Tre javët e para të këtij muaji nuk do jeni në gjendjen më të mirë dhe çdo gjë do e bëni sepse duhet bërë. Ju që jeni në një lidhje do keni edhe mosmarrëveshje të forta me partnerin tuaj dhe do vendosni distancë me njëri-tjetrin. Nëse keni një lidhje që ka kohë që nuk ec dhe nuk ju sjell kënaqësi, më mirë jepini fund njëherë e mirë. Ashtu do ndiheni të çliruar. Ju beqarët duhet të mendoheni disa herë para se të pranoni ftesa. Jo të gjithë janë ashtu si do ju shfaqen juve para. Shëndeti herë do jetë i mirë e herë delikat. Duhet të kujdeseni më tepër për ushqimin dhe duhet patjetër të hiqni dorë nga jeta sedentare. Financat vetëm falë ndihmës së familjarëve nuk do dobësohen. Falënderojini ata. Në punë javët e para do jenë goxha të ndërlikuara dhe plot angazhim. Herë pas here nuk do dini çfarë të bëni më parë. /dritare.net
