Javën që vjen, moti në Shqipëri do të dominohet nga një valë e fortë nxehtësie, me temperatura shumë të larta që do të shtrihen në të gjithë vendin. Parashikimet tregojnë se temperaturat maksimale do të kalojnë 42°C në zonat veriore dhe jugore, duke krijuar kushte për mot të thatë dhe diell të plotë.
Parashikimi javor:
E hënë, 11 gusht: Temperaturat maksimale do të jenë shumë të larta, nga 34°C në zonat malore të juglindjes, deri në 42°C në Shkodër dhe Gjirokastër. Moti do të jetë i kthjellët, me erë të lehtë deri mesatare.
E martë, 12 gusht: Nxehtësia do të vazhdojë, me temperatura që variojnë nga 33°C në Korçë deri në 41-42°C në Shkodër dhe Gjirokastër. Përveç diellit, do të vazhdojë era e dobët.
E mërkurë, 13 gusht: Pak ulje të temperaturave, sidomos në zonat malore, ku do të regjistrohen deri në 32-33°C, ndërsa në zonat e ulëta do të mbetet shumë nxehtë me deri në 40°C.
E enjte, 14 gusht: Temperaturat mbeten të larta, por parashikohet një lehtësim i vogël në disa zona, ku do të arrijnë deri në 36°C në Tiranë dhe deri në 39°C në Shkodër.
E premte, 15 gusht: Vazhdon moti i nxehtë me temperatura deri në 34-37°C në zonat kryesore, ndërsa në bregdet do të jetë më e freskët, rreth 28-30°C.
E shtunë, gusht: Parashikohet ndryshim i kushteve të motit, me mundësi për stuhi lokale pasditeve në zonat malore dhe veriore. Temperaturat maksimale do të jenë nga 29°C në Korçë deri në 38°C në Shkodër.
E diel, 17 gusht: Temperaturat do të mbeten të larta, por me rritje të mundshme të vranësirave dhe stuhive lokale në disa zona.
Këshilla për qytetarët:
Shmangni aktivitetet e gjata në diell gjatë orëve më të nxehta të ditës (nga ora 11:00 deri në 17:00).
Pini shumë ujë dhe qëndroni në vende të freskëta.
Kujdes për fëmijët, personat e moshuar dhe ata me sëmundje kronike, të cilët janë më të rrezikuar nga goditja nga nxehtësia.
Në rast të stuhive, evitoni qëndrimin pranë pemëve të mëdha ose në zona të rrezikshme./K.C/dritare.net
