Nga fëmijëria e vështirë te sakrificat, ana e panjohur e princit Filip!
E Martë 30 Qershor 2020, 19:07
Dritare.net
Monarku britanik, princi Filip mbushi 99 vjeç në fillim të këtij muaji. Ai ende ruan buzëqeshjen e tij karakteristike në fytyrë, edhe pse me kalimin e viteve ka humbur familjen, është përballur me vështirësi ekonomike dhe sakrifikoi gjërat që donte më shumë, nga karriera deri te mbiemri.
Sot dritare.net donte të ndante me lexuesit e saj anën e panjohur të prinit Filip.
* Rrënjët greke dhe problemet familjare
Filip lindi në ishullin grek të Korfuzit në 1921-shin në radhë për fronin e Greqisë dhe Danimarkës, por gjërat nuk shkuan shumë mirë. Menjëherë pas lindjes së tij, xhaxhai i Filipit, Mbreti Kostandin I, u detyrua të hiqte dorë nga froni dhe familja e Princit Filip u dërgua me forcë në Francë. Prindërit e kishin futur princin Filip në një krevat bebesh të bërë nga arkat e frutave. Më vonë nëna e princit Filip u shtrua në psikiatri dhe u diagnostikua me skizofreni. Babai i tij u shpërngul dhe mezi mbante kontakte me familjen.
Në rininë e tij, Filipi përshkruhej si një njeri i zgjuar, por ishte jashtëzakonisht i sjellshëm. Për të kursyer para, ai ndoqi një shkollë në Gjermani e cila ishte në pronësi të familjes së një prej kunetërve të tij. Fatkeqësisht, disa vjet më vonë, motra e tij bashkë me familjen, përfshirë 3 fëmijë të vegjël, humbën jetën në një aksident ajror. Xhaxhai dhe kujdestari i tij, Lord Milford vdiq nga kanceri i palcës së kockave, një vit më vonë.
Me gjithë mosmarrëveshjet ai ia doli të diplomohej dhe më vonë u regjistrua në Royal Naval College dhe shkëlqeu, duke u bërë një nga togerët më të rinj në Marinën Mbretërore.
Në 1939, princi Filip shoqëroi 2 princeshat e familjes mbretërore dhe në këtë kohë, princesha Elizabet ra në dashuri me të. Çifti shkëmbeu letra dashurie për vite të tëra deri në vitin 1946, kur Filipi i kërkoi mbretit bekimin e tij për t'u martuar me Elizabetën. Mbreti fillimisht nuk donte, pasi Filipi konsiderohej "i varfër" sipas standardeve mbretërore, informon dritare.net
Ai ishte princ grek, kishte të afërm nazistë dhe mbretit iu duk i vonuar dhe irritues. Elizabet, e cila ishte shumë e afërt me të atin, arriti ta bindë mbretin Gregor. Por Filipi duhej të hiqte dorë nga titujt e tij mbretërorë, të merrte shtetësinë britanike, të ndërronte fe dhe të merrte mbiemrin e vajzërisë së nënës së tij “Mountbatten". Në ditën e dasmës, ai kishte 12 pena në llogarinë e tij bankare.
Pasojat e të qenit burrë i Mbretëreshës
Pas vdekjes së Mbretit George, doli një njoftim ku thuhej që mbretëresha e re nuk do të merrte mbiemrin e burrit dhe do të vazhdonte si Windsor. Kjo me të vërtetë e mërziti Dukën. Filip gjithashtu nuk kishte zgjidhje tjetër, por duhet të hiqte dorë nga karriera e tij në Marinë.
Princi Filip përfundoi 22,219 projekte solo për mbretëreshën derisa u tërhoq në vitin 2017, kur ishte 96 vjeç. Duka tani është 99 vjeç dhe vlera e tij neto është rreth 30 milionë dollarë. Ndërsa e bashkëshortes së tij, mbi 500 milionë dollarë, dhe vlera neto e djalit të tyre Charles është rreth 400 milionë.
Tani, madje edhe para se të dilte në pension Duka u angazhua në punë bamirësie, veçanërisht mbrojtjen e jetës së egër. Përmes çmimit të tij “Duka e Edinburgh”, ai trajnon mijëra të rinj çdo vit në të gjithë globin./Përshtati: Kadrije Çako/dritare.net
