Izraeli mësyn në zemër të qytetit/ SHBA kundër ripushtimit të Gazës!
E Martë 7 Nëntor 2023, 22:10
Dritare.net
Ministri izraelit i Mbrojtjes Yoav Gallant thotë se trupat izraelite kanë hyrë "në zemër të qytetit të Gazës".
"Ata erdhën nga veriu dhe jugu dhe sulmuan në koordinim të plotë midis forcave tokësore, ajrore dhe detare.", tha Gallant në një konferencë shtypi televizive, sipas agjencisë së lajmeve Reuters.
"Ata po manovrojnë në këmbë, automjete të blinduara dhe tanke, së bashku me inxhinierë ushtarakë nga të gjitha drejtimet dhe kanë një objektiv, terroristët e Hamasit në Gaza, infrastrukturën e tyre, komandantët e tyre, bunkerët, dhomat e komunikimit."
Ndërkohë Netanyahu tha se nuk do të ketë armëpushim apo shpërndarje karburanti derisa të lirohen pengjet izraelite të marra nga Hamasi më 7 tetor. Ai gjithashtu i bëri thirrje popullit të Gazës që të shkojë në jug.
Ndërsa SHBA-ja është shprehur kundër ripushtimit afatgjatë të Rripit të Gazës nga Izraeli.
Duke folur në një konferencë të përditshme të lajmeve, zëdhënësi i Departamentit të Shtetit Vedant Patel u tha gazetarëve nuk mbështet asnjë zhvendosje të detyruar të palestinezëve jashtë Gazës.
"Pikëpamja jonë është se palestinezët duhet të jenë në ballë të këtyre vendimeve dhe Gaza është tokë palestineze dhe do të mbetet tokë palestineze.”
Zëdhënësi po i përgjigjej një pyetjeje në lidhje me komentet e kryeministrit Benjamin Netanyahu për ABC, në të cilat ai tha se Izraeli do të kishte "përgjegjësi sigurie" për Gazën pas përfundimit të luftimeve./K.C/dritare.net
