Hepatiti akut, identifikohen tre raste tek fëmijët në Greqi!
E Enjte 12 Maj 2022, 18:06
Dritare.net
Organizata Kombëtare e Kujdesit Shëndetësor EODY njoftoi ditën e sotme se janë zbuluar tre raste të hepatitit akut tek fëmijët në Greqi. Këto janë rastet e para të hepatitit akut në Greqi.
“Pas një kërkimi aktiv të rasteve, janë identifikuar tre raste të fëmijëve me hepatit akut që plotësojnë kriteret e një rasti të mundshëm, sipas përcaktimit të Organizatës Botërore të Shëndetësisë”, thuhet në deklaratën e EODY.
Sipas njoftimit, dy nga fëmijët e moshës 14 muajsh e 10 vjeç kanë shfaqur simptoma në traktin gastrointestinal (dhimbje barku dhe të vjella) dhe temperaturë dhe nga testi laboratorik ka rezultuar rritje e enzimave të mëlçisë Rasti i tretë, një fëmijë 18 muajsh, ishte asimptomatik dhe testi parandalues laboratorik zbuloi se enzimat e mëlçisë ishin të rritura. Testi për hepatitin viral AE rezultoi negativ në të tre fëmijët.
Asnjë virus EBV, CMV, adenovirus ose SARS-CoV-2 nuk u zbulua në asnjë nga testet e tjera laboratorike. Dy nga tre fëmijët kishin nevojë për disa ditë shtrimin në spital. Fëmijët nuk kanë shfaqur komplikime, nuk kanë marrë trajtim të veçantë dhe janë në gjendje të shkëlqyer.
Në deklaratën e tij EODY nuk bëri të ditur as zonat e banuara të fëmijëve dhe as spitalet ku ata morën trajtim./M.K/dritare.net
