Zheji sulmon ashpër Çilin: Ke lindur ambicioz dhe i pangopur

Një përplasje e fortë në distancë, me replika dhe kundër replika ka përfshirë tre nga analistët në Shqipëri: Henri Çilin, Artur Zhejin dhe Andi Bushatin. Botuesi Henri Çili, në një shkrim, e akuzoi analistin Artur Zheji se u kthye kundër kryeministrit Edi Rama pasi nuk u zgjodh në krye të RTSH-së. Nuk ka vonuar përgjigja e analistit Zheji, i cili në një shkrim të tij me titull “Gënjeshtrat prej elefanti të Çilit” sulmon ashpër Henri Çilin.

Shkrimi i plotë i Zhejit

“Nëse do ta bësh mirë një punë, bëje vetë.” Dhe Henry ka dalë vetë në sulm për tu mbrojtur dhe për të baltosur. Henry i dashur, të them vetëm një fjalë të shkurtër dhe paralajmëruese: Mos gënje dhe mos mendo rrejshëm se qetësia ime filozofike e deri djeshme, do të më ndalojë të hap kutinë e thellë të sekreteve të tua, të cilën etika nuk ma lejon ende. Debati ynë nuk ka qenë menaxherial, por thjesht dhe pastër i natyrës editoriale. Interesat e tua e donin që Rama dhe mbështetja që more nga Reforma në Arsim, direkt prej tij, të shpërbleheshin.

LEXO DHE :  Basha sot në Lezhë: Do zhvillojmë bashkëbisedim me fermerët!

Të kam ulur unë për drekë me Ramën disa muaj përpara zgjedhjeve 2013, për të të hequr nga lista e hakmarrjes së tij të nesërme. Ti e di shumë mirë se çfarë lobimi dhe beteje kam bërë për ty në rastin e Doktoraturave… Por ti ke lindur ambicioz dhe i pangopur. Kërkesa jote editoriale, për të qenë pjesë e hymnizimit të Ramës dhe demonizimit të të gjithë të tjerëve, ishte për mua e papranueshme. Sepse kam ca kode, që ti nuk i njeh dhe nëse merr dijeni, i refuzon, në emër të parasë… Henry, për sot e lemë me kaq, mos u zhyt më thellë në kënetën e përfoljes dhe ruaju nga paniku. Kjo dhe është këshilla ime e fundit, përpara se sa të harroj “mikun” Çili dhe të merrem me të panjohurin Henry!

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.