Autoritetet italiane kanë zbardhur shkaqet e krimit në familjen shqiptare dhe që tronditi opinionin publik. 62 vjeçari Muhamed Vapri qëlloi 15 herë me thikë gruan e tij, Diana Vapri. Burri ka dëshmuar para hetuesve pasi është arrestuar në flagrancë dhe ka pranuar autorësinë. Mediat italiane shkruajnë se mes çiftit ka pasur vazhdimisht debate, pasi Diana dont të divorcohej prej tij. Ajo ishte xheloze, pasi burri shpenzonte shumë kohë në chat me një mikeshë të vjetër që jetonte në SHBA. Çifti debatonte mes tyre edhe për ndarjen e kursimeve pas divorcit.
Debati mes tyre ka degjeneruar në banesën ku jetonin në Itali. 62-vjeçari e ka humbur kontrollin dhe ka qëlluar me thikën e kuzhinës për vdekje gruan e tij 15 herë. Çifti kishte 3 fëmijë të rritur dhe secili jetonte më vete.