Voltana Ademi: Ja kur do të largohem nga Bashkia!
Dritare.net
Kryetarja e Bashkisë së Shkodrës, Voltana Ademi e ftuar në “Kjo Javë” ka thënë se nuk do të ikë nga zyra, dhe t’ia lëshojë vendin pasardhësit të saj socialist që doli nga zgjedhjet e 30 qershorit.
Ademi ka thënë se do të vijojë të jetë kryetare e Bashkisë Shkodër, deri në momentin kur të mbahen zgjedhje të rregullta.
“Unë kam dëgjuar, dhe është komike, kam dëgjuar edhe politikanë të artikulojnë data si 13 apo 12 gusht, që nuk i gjen të shkruara në asnjë dokument. Që do të thotë kushtetuta parashikon një mandat në vazhdimësi 4 vjecar. Nuk definohet, madje për vendorin është e hapur duke ia lënë mundësinë një procesi të drejtë të rregullt të zgjedhjeve. Kushtetua parashikon parimin e vazhdimësisë. Mund të ndodhë të përsëriten zgjedhjet, të mos kemi konkurrent për një bashki, këtu nuk mbaron puna. Puna e kryetarit të bashkisë, mbaron kur ka zgjedhje.
Ne nuk po flasim për t’u përshëndetur, çështja është më e thellë kur bëhet fjalë për legjitimitet të përfaqësimit, sepse përgjegjësia është shumë e madhe. Legjitimiteti është fjalë e madhe edhe për atë që duhet të jetë i zgjedhur, dhe kjo vlen për të gjithë ata që pretendojnë që në mënyrë ilegjitime të marrin atë që nuk i takon. Do të jem aty deri sa njerëzit na mbështesim. Përfaqësim i denjë, unë jam dhe do të jem kryetare e bashkisë së Shkodrës.” u shpreh Ademi./ I.M-Dritare.net