Video/ Rama: Ju tregoj Manastirin e Ravenës në Gjirokastër!

Kryeministri i vendit, Edi Rama u ka uruar shqiptarëve një të diel të bukur, me disa pamje nga Manastiri i Ravenës në Goranxi të Gjirokastrës.

“MIRËMËNGJES 😃

dhe me këto pamje nga Manastiri i Ravenës në Goranxi të Gjirokastrës, ju uroj një të diel të bukur 🌹”, shkruan Rama.

Kjo kishë është ndërtuar në vitin 1600 prej hieromonakut Kristofor. Përbëhet nga naosi, narteksi dhe eksonarteksi. Naosi është i tipit në formë kryqi me kupolë triapsidal dhe ka përmasa të brendshme 6.80×5.60 metra. Kisha është ndërtuar me gurë shtresorë të vendosur në mënyrë të rregullt.

LEXO DHE :  Armina Mevlani dëshiron të ndryshojë pamjen, vendosni ju nëse iu pëlqen!

Tamburi i kishës është tetëfaqësh dhe i zbukuruar. Gjithashtu edhe korniza nën çati përbëhet me radhë në formë dhëmbësh të alternuara me radhë të drejta. Apsida e kishës është pesëfaqëshe.

Mbi apsidën e murit jugor brenda kishës gjendet mbishkrimi: “Lutje e shërbëtorit të perëndisë Hjokë Quriakut, nga katundi Mashkullorë”. Mbi një vulë prej druri është shkruar: “Vula e së mbishenjtës Hyjlindëse, e mbiquajtur e Ravenias, mbi katundin Goranxi 1622”./K.C/dritare.net

 

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.