Veseli i Big Brother: Fëmijëria ime, një film me metrazh të shkurtër

Ish banori i “Big Brother” Vesel Kurtishaj, prej shumë kohësh ka qenë larg vëmendjes mediatike. I ftuar në emisionin  “Rudina” këtë të enjte në Tv Klan ka folur rreth historisë së veçantë të familjes së tij, për të cilën e ka zbuluar që në periudhën kur ishte pjesë e  Big Brother se jetonte me mamin dhe gruan e parë të babait. Sot tek “Rudina”, Veseli i “Big Brother 8” u shpreh se nuk i vjen turp të flasë hapur për këtë temë.

“Fëmijërinë e kam një film me metrazh të shkurtër, jo të lehtë. Babai ka ndërruar jetë kur isha në moshën 7-vjeçare. Jam rritur në shtëpi me dy mbretëresha, njëra është mami dhe tjetra është gruaja e parë e babit. Jam mësuar ta thërras gjyshe, jam rritur duke e thirrur kështu. Tani që e kujtoj, as kohën kur e kam marr vesh që ajo ishte gruaja e parë e babit nuk e mbaj mend. Dashuria për të ka qenë e njëjtë me dashurinë për mamin. Të parën puthja gjyshen, pastaj mamin. I thoja asaj të parës ‘Mirëmëngjes. Asaj i ka vdekur një djalë dhe kjo ka qenë arsyeja pse babi është “detyruar” të martohet prapë. Babi kishte 2 fëmijë, një vajzë dhe një djalë. Djali ndërroi jetë si pasojë e një aksidenti në Zvicër. Nisur nga koha e atëhershme, familja duhet të kishte me patjetër një djalë. Prandaj martohet me mamin, e cila ishte 8-9 vite më e re se vajza e babit me gruan e parë. Sot ne jemi 3 vëllezër. Për mua nuk ka pasur gjë më të rëndësishme në jetë sesa kur më thoshte gjyshja që ‘më keni hequr mërzinë e vdekjes së djalit’. Kjo ka qenë gjëja më e rëndësishme për mua.”- është shprehur Veseli./A.C/dritare.net

LEXO DHE :  Kjo është shenja e horoskopit e cila prodhon më shumë miliarderë!

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.