Ka bërë operacione plastike? Xhensila Myrtezaj ua mbyll gojën kritikuesve me këto foto!
Dritare.net
Xhensila Myrtezaj është një nga këngëtaret më të dashura dhe me zërin më të ëmbël në Shqipëri.
Si çdo personazh publik, edhe ajo shpesh është përballur me kritika. Këngëtarja është kritikuar kohët e fundit se ka bërë operacione plastike. Ajo vetë i ka quajtur shpifje gjithë këto duke treguar se nuk ka asnjë operacion plastik.
Xhensila u është përgjigjur këtyre deklaratave me disa foto kur ishte te Gjeniu i Vogël.
Ajo thotë se fytyra dhe trupi i saj janë po aq të paprekura nga operacionet plastike sot, si atëherë kur ishte te Gjeniu, si një vajzë e vogël.
“Jeta është e bukur dhe kur them këtë nuk harroj të përfshij sakrificat. Nuk kam kujtime të kapura nga aparati fotografik nga periudha e fëmijërisë sepse nuk jam rritur në një familje me mundësi për të më shkrepur foto. Imazhet e mia të para janë ato që dokumentojnë dashurinë time për muzikën, imazhe nga emisionet ku kam marrë pjesë. Kamera më ka njohur si këngëtare dhe sot më shërben si mjet i një lufte që ashtu si çdo luftë, është e padrejtë...
Fytyra dhe trupi im në moshën e këtij momenti pranë Alketa Vejsiut, janë po aq të paprekura nga operacionet plastike sa sot. Kam trokitur në parukeri e në palestër dhe kam dalë entuziaste për reagimin e publikut, publikun që dua ta mbush me dashurinë time. Megjithatë njerëzit kanë hedhur në erë çdo derë shpifjeje dhe unë nuk kam reaguar. Ndërkohë jam njeri dhe jam njeri publik por kjo nuk i jep të drejtën askujt që të vjellë mbi imazhin tim (e të askujt) mërzitjet dhe mllefet personale. Shumë e shohin imazhin e Xhensilës nga kamera por Xhensilën kur kamerat fiken e njohin vetëm të afërmit dhe miqtë.
Kam respekt për skepticizmin, kam respekt për pyetjet e sinqerta por nuk kam respekt për fenomenin e shpifjes pa masë vetëm sepse përtohet që të vëzhgohet përpara se të flitet. Mund të shkruaj më shumë por në fund të ditës, unë mbi të gjitha flas me ata që më njohin pa bërë fjalime: me Zotin dhe me njerëzit që më duan.
Këtë postim dua ta mbyll duke ndarë dhe dy gjëra të tjera; dua të ndaj krenarinë për rrugëtimin e kësaj vajzës që i shkëlqenin sytë nga lumturia e atij momenti dhe të ndaj me fansat e mi mallin për t’ju kthyer skenës sapo muzikës t’i jepet sërish hapësirë.”, shkruan Xhensila./K.C/dritare.net