Shpëtim Gjika mbron Kokëdhimën; Ai spanjoll turisti, kurrë mos ardhtë. Ja kush janë ideatorët e asaj që ndodhi!
Dritare.net
Ish-kryetari i Bashkisë së Vlorës, Shpëtim Gjika ka komentuar ngjarjen e ndodhur në Qeparo ku Mihal Kokëdhima, ka sulmuar disa turistë spanjollë.
Gjika, i del në mbrojtje Kokëdhimës, ndërsa shkruan se ai është goditur padrejtësisht.
Më tej Gjika, hedh dyshime se ideatorët e gjithë skenës kanë qenë shqiptarët që shoqëronin turistët spanjollë.
“Kundër rrymës për Mihalin!
Jemi mësuar për fat të keq ti linçojmë publikisht njerëzit, mjafton të hedhë gurin i pari, dhe o burra kush të godasë më fort, mundësisht nga ato goditjet e ulëta nën brez, pa pyetur apo u informuar se për çfarë arsyeje Mihali u shpërfytyrua,ose e detyruan të shfaqej i shpërfytyruar, ashtu i pataksur mbi makinën që drejtonin dy gangsterë çuditërisht aq gjakftohtë, për të cilët nuk e di pse jam shumë i bindur që janë ideatorët dhe aktorët e asaj që ndodhi!
Mihali që kërkon hakun e tij, edhe pse forma si e kërkon nuk është normale, e bëmë kriminel, monstër, hijenë, kanibal e nuk di c’tjetër damkë i vunë, ndërkohë që pronarë, të cilët me kobure në brez e trasta me hashash të presin e sajdisin me “kulturë” dhe ne i promovojmë, edhe pse buka e tyre është harram!
E denoj si fenomen rastin e djeshëm, por njerëzisht nuk e pushkatoj dot Mihalin!
Ata dy gangot cinikë dhe gjakftohtë në furgon i neveris!
Ai spanjoll turisti, kurrë mos ardhtë se do durojmë edhe për eurot e tij!
Kaq!”-shkruan Gjika./ I.M-Dritare.net