Shefja e OMN, Calavera: Koha të hapen negociatat me Shqipërinë, vettingu në rrugën e duhur

Shefja e Operacionit Ndërkombëtar të Monitorimit, Genoveva Ruiz Calavera, ka deklaruar sot, se tashmë ka ardhur koha që të hapen negociatat për Shqipërinë dhe Maqedoninë e Veriut. Në një prononcim për A2 Cnn, nga Podgorica, Calavera u shpreh:

“Ka ardhur koha të hapen negociatat me Shqipërinë dhe Maqedoninë e Veriut. Është shumë e rëndësishme për Shqipërinë që të vijojë të plotësojë kushtet që i janë vënë. Shqipëria duhet të krijojë besueshmëri tek vendet anëtare të BE-së. Situata në Shqipëri duhet të kapërcehet pasi nuk i shërben aspak vendit dhe qytetarëve”

Calavera, është shprehur optimiste edhe për procesin e vettingut.

“Unë mendoj se vetting-u po ecën në rrugën e duhur. Tashmë kemi kaluar në vetting 200 gjyqtarë dhe prokurorë. Ka qenë një proces transparent që është transmetuar nga televizionet dhe ka qenë i hapur, që të gjithë qytetarët e Shqipërisë të kuptonin si po ecte procesi.

Ende kemi shumë punë për të bërë, pasi jemi ende në fazat fillestare të procesit. Por deri tani jemi në drejtimin e duhur dhe është shumë e rëndësishme për Shqipërinë që të vazhdojë ta mbështesë këtë proces që është thelbësor për të gjithë reformën në drejtësi.

Mungesa e Gjykatës Kushtetuese dhe Gjykatës së Lartë është rezultat i situatës jo të mirë që ishte në drejtësi. Shpresojmë që në muajt e ardhshëm të ketë përfunduar vetting-u për kandidatët që të plotësohen edhe këto institucione, në mënyrë që t’i kthehemi normalitetit”, tha Calavera.

Ndërsa në lidhje me shkarkimin e presidentit Meta, ajo nuk ka dhënë asnjë përgjigje konkrete./L.F-dritare.net

LEXO DHE :  Meta publikon listën me 6 aplikantë të rinj, për vakancën në Gjykatën Kushtetuese

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.