Rrëfimi i arbitrit të ndeshjes Partizani-Skënderbeu: Ja si më sulmoi Erjon Braçe
Dritare.net
Ndonëse nuk dallohet momenti i parë, por vetëm çakmakët apo shishet, vetë gjyqtari i ndeshjes Andi Koci tregon për Top Channel çfarë ndodhi.
“Kur po i drejtoheshim dhomave të zhveshjes në pjesën e tunelit, isha i rrethuar nga rojet e sigurisë në atë moment, shikoj një objekt që mu tha që ishte një çakmak që hidhet nga tribuna. Në momentin që futem në pjesën e tunelit më komunikohet nga asistentët, e më identifikohet me emrin e zotërisë në fjalë. Më vjen keq që problemet vijnë nga tribuna”, ka treguar Andi Koçi, arbitri i ndeshjes Partizani-Skënderbeu.
Sipas gjyqtarit Koci ndeshja nuk ka patur probleme madhore, por ajo që ka tensionuar më tepër situatën është humbja e ndeshjes dhe goli i pësuar në sekondat e fundit.
“Rastet i kam parë pas ndeshjes. E bëj gjithmonë. Mendoj se i kam zgjidhur në mënyrën e duhur. Nuk kanë pse të ankohet asnjë prej dy ekipeve. Natyrisht që goli në minutën e fundit dhemb. Edhe mua po të më iki një penallti e padhënë në të 94-tën normale që dhemb”, shprehet ai/d.m-tch