Protesta/ PD: Çdo polic do mbajë përgjegjësi, 16 shkurti fillim beteje

Partia Demokratike ka reaguar përmes një deklarate zyrtare pas protestës së ditës së sotme e cila u përshkallzua me tensione mes policisë dhe demonstruesve. PD dënon ushtrimin e dhunës nga ana e policisë duke paralajmëruar se 16 shkurti është fillimi i betejës për të çliruar vendin nga kryeministri Rama.

“Partia Demokratike dënon me forcë ushtrimin e dhunës policore ndaj kundërshtarëve politikë. Rrahja dhe keqtrajtimi i protestuesve prej policisë politike nuk ka për ta shpëtuar dot kryehajdutin Edi Rama dhe pushtetin e tij të blerë me paratë e krimit të organizuar. Secili prej anëtarëve të Policisë Politike që, në shkelje të ligjit, po shoqëron, dhunon dhe po ushtron presion ndaj protestuesve, do të mbajë përgjegjësi personale. Ne nuk do ta harrojmë këtë! PD falenderon çdo qytetar pjesëmarrës në protestë, që sakrifikoi sot diçka nga vetja për t’i shërbyer misionit madhor të çlirimit të qeverisjes nga një grusht hajdutësh, oligarkësh dhe kriminelësh, që ka marrë peng vendin. 16 Shkurti është fillimi i betejës për çlirimin e vendit nga Kryeministri hajdut. Fundi i tij është i pakthyeshëm! Shqiptarët treguan sot se, të bashkuar, mund ta mposhtin të keqen! E enjtja është shumë afër”, deklaron PD./A.C/dritare.net

LEXO DHE :  Përgjimet e Bild/ Ish-ministri i Financave: Rama foli me një koordinator të fushatës

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.