Ambasada Amerikane: Populli shqiptar foli, Reforma në Drejtësi duhet të ecë përpara
Dritare.net
Ambasada Amerikane ka postuar në Facebook një deklaratë për Reformën në Drejtësi. Ambasada shprehet se, kjo reformë është e dhimbshme, e ngadaltë, por është e nevojshme. Sipas Ambasadës, reforma duhet të vazhdojë të ecë përpara, që Shqipëria të bëhet pjesë e familjes evropiane.
“Shtetet e Bashkuara mbeten vendosmërisht të përkushtuara ndaj reformës në drejtësi, e cila është kërkesë e popullit shqiptar. Në përgjigje të kësaj kërkese, në vitin 2016, Parlamenti miratoi unanimisht ligjet themelore për reformën. Prej atëherë, janë ngritur institucione kyçe dhe zbatimi vazhdon për t’i bërë ato funksionale. Reforma është e dhimbshme, e ngadaltë dhe e papërsosur por është e nevojshme. Reforma në drejtësi po ecën përpara dhe duhet të vazhdojë, në mënyrë që Shqipëria të bëhet anëtare e plotë e familjes evropiane. E gjithë Ambasada e Shteteve të Bashkuara të Amerikës do të vijojë të mbështesë synimin e popullit shqiptar. Ne nuk duhet të humbasim përqendrimin, ne nuk duhet të çorientohemi, synimi është i qartë, populli shqiptar foli dhe reforma në drejtësi duhet të ecë përpara, hap pas hapi.”,- thuhet në deklaratën e Ambasadës./K.C/dritare.net