Muri i Meksikës/ Shtetet e SHBA padisin Donald Trump

Një koalicion i 16 shteteve amerikane të udhëhequra nga Kalifornia paditën administratën e presidentit, Donald Trump mbi vendimin e tij për të deklaruar një emergjencë për të mbledhur fonde për ndërtimin e një muri në kufirin meksikan. Padia u paraqit në gjykatë nga Qarku i Veriut të Kalifornisë, informon dritare.net

Padia vjen disa ditë, pasi Trump thirri kompetencat e jashtëzakonshme duke anashkaluar Kongresin, për të siguruar fonde për projektin, një premtim kryesor i fushatës. Demokratët janë zotuar se do ta kundërshtojnë atë “duke përdorur çdo mjet në dispozicion.” Prokurori i Përgjithshëm i Kalifornisë, Xavier Becerra tha se, po e çonin Trump-in në gjykatë “për të bllokuar keqpërdorimin e pushtetit presidencial.”

LEXO DHE :  Kukës/PD tubim urgjent sot në orën 14:00

“Ne po e padisim presidentin Trump për ta ndaluar atë të vjedhë fondet e tatimpaguesve të nxjerra ligjërisht nga Kongresi për njerëzit e shteteve tona. Për shumicën prej nesh, zyra e Presidencës nuk është vend për teatër.”,- shtoi ai.

Padia e paraqitur të hënën kërkon një urdhër të përkohshëm që do të ndalonte Trump-in të veprojë mbi deklaratën e tij për emergjencë kombëtare, ndërsa një betejë ligjore u zhvillua në gjykata, raporton Washington Post./K.C/dritare.net

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.