09:27 - 23 Maj, 2019

Lamtumirë ‘isha’! Europa dhe Amerika njohin opozitën e re parlamentare.

Nga Frrok Çupi

Është një send i kotë të rrokonisesh me lajme mbi ‘Bashën’, mbi ‘Monikën’, mbi ‘Gridën’ e ‘Salijanin’. Edhe kur Salijanji qëlloi me grushte deputetin e ri Gjoni, dora i shkoi huq; sepse ishte i vetëm , i frikësuar, i kotë, i lënë… Jashtë parlamentit politikani është ‘njëshi zero e fyell/, njëshi send i kotë’- do të shkruante poeti Majakovski. Kur je jashtë parlamentit ‘edhe rëndësi po pate/ as drurin e thjeshtë pesë pëllëmbë s’e ngre dot’, do të shkruante më tej vetë poeti.

Tani ata nuk janë më, jo se nuk janë në këtë botë; por janë gjallesa pa vlerë politike. Pse merren me ta nëpër lajme që nga mëngjesi deri në mbrëmje?,  çuditem me disa media injorante e pa vlerë. Kur nuk përfaqëson më shumë se veten, je vetëm ‘një’ si njëshi i Majakovskit, ‘një zero e fyell, një si send i kotë’. Ata ishin përfaqësues të demokracisë, por tani nuk janë më; tani janë ‘isha’. Ikën, ikën si zogjtë shtegtarë që kërkojnë brigje, fole, vise të fshehta dhe pa kthim pas.

Tani në vend të tyre kanë ardhur të rinj. Kombi është fole më e madhe se foleja e zogjve shtegtarë, dhe kombi nxjerr pa pushim përfaqësues të rinj, mendarë të rinj, gojëtarë  dhe ligjtarë të vlefshëm. Nuk është dashur më shumë se 40 ditë kohë që qytetërimi perëndimor të njohë ‘mendarët dhe ligjtarët’ e rinj të Shqipërisë. Parlamenti po plotësohet ditë pas dite, ndërsa ‘shtegtarët’ vijnë rrotull.

Në sulmin e fundit të dhunshëm që kryen ‘ishat’ kundër mureve të Parlamentit dhe kundër paqes qytetare, asnjë sinjal nuk ra përdhe. Ata pritën të flasë Amerika ose Europa, madje pritën të thonë si më parë se ‘dënojmë dhunën’, por ata hiç. ‘Bëni çfarë të doni, isha!’… Këtu ‘ishat’ pushuan edhe dhunën, nuk kanë dalë  dje sipas radhës në dhunë. Po të kishin thënë gjë BE dhe Europa kundër tyre, atëherë do të dukej sikur ‘ishat’ ekzistojnë përsëri për botën politike… Por heshtje; ata nuk janë më.

LEXO DHE :  Aksident i rëndë në Rumani, vdes efektivi shqiptar dhe gruaja rumune

I dërguari i Këshillit të Europës në Tiranë, Luiggi Soreca, deklaroi se Europa po pret që ‘opozita e re parlamentare të hyjë në zgjedhjet e 30 qershorit’

Opozita e re Parlamentare është strukturuar, ka zgjedhur edhe dy kryetarët e dy grupeve parlamentare: PD dhe LSI. Tani jo vetëm emra si ‘Monika’ e ‘Luli’ janë kthyer në ‘isha’; por edhe klikat e tyre nuk janë më: PD dhe LSI e tyre quhen ‘isha’, dmth., tani kemi PD dhe ‘ish PD’; ose ‘LSI dhe ‘ish LSI’.

Kryetarja e grupit të PD, zonja Rudina Hajdari, ka deklaruar dje në Parlament se do të marrin pjesë në zgjedhje, vendi nga ku ka rebeluar ‘ish- PD’. Ndërsa sot kryetarja e Grupit të PD- së së gjallë, deklaroi se ‘grupi i krijuar është tërësisht në përputhje me rregulloren e Kuvendit, ligjet dhe Kushtetutën e Shqipërisë’. Të ikurit janë plotësisht jashtë Kushtetutës, veçse si individë të lirë,asgjë më shumë. Zonja Hajdari thotë se ‘bashkë me Myslim Murrizin vijojnë të jenë pjesë e grupit Parlamentar të PD-së, i cili u shkri kur PD vendosi të lërë mandatet’. Njësoj si në pranverë, kur ‘u shkri bora majave’; a mund të thuash më se ‘mali ka borë’.

Kështu ndodhi në këtë dimër duke pritur pranverën: Zogjtë fluturuan nga foletë dhe bora shkriu majave. Ata janë ‘isha’, mund të na lënë të shijojmë stinën e paqes me veten tonë të gjallë./Veritas.com.al/

2 KOMENTET

  1. Noku, Frroku.
    Koha do kaloje edhe do me kujtohet kjo shkarravina jote.
    E di si do te them, athere?
    Rri si muti nashti.
    Koha do e provoje. Gjithesesi, ti e bere punen tende si lepires i mire qe je.

  2. I nderuar Frrok,
    Me duhet te them se jeni zeri me pushtetin me magjik ne opinionin publik. Tashme eshte e sigurte se pesha e penes tende anon gjithmone nga e verteta dhe fitorja. Do te jemi perhere mirenjohes per kete sherbim te pamase qe po beni ne sherbim te vendit dhe te ardhmes se femijve tane.
    Best regards and profound thanks from your countless followers

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.