Krimi tmerron kryeqytetin, Tahiri paralajmëron shkarkime

Ministri i Brendshem Saimir Tahiri, duke folur gjate nje konference shtypi, ku ka bere analizen vjetore te Policise se Shtetit./r/n/r/nMinister of Interior Saimir Tahiri, speaks during a press conference.

Ministri i Punëve të Brendshme Saimir Tahiri ka zhvilluar një mbledhje, të martën në mesditë, me drejtorët qendrorë dhe ata vendorë, pas disa ngjarjeve të ndodhura, situatës së krijuar me Emiljano Shullazin dhe disa prej ngjarjeve të rënda kriminale të ndodhura në vend.

Mbledhja është kryer në ambientet e përkohshme të Ministrisë në Gardën e Republikës. Sipas burimeve, ministri Tahiri ka paralajmëruar shkarkime dhe transferime në ato komisariate apo drejtori ku janë vërejtur probleme me kriminalitetin apo ngjarje të rënda.

Burime të policisë thanë se Tahiri, ka kërkuar nga drejtuesit vendorë të policisë që elementë me tendenca të forta kriminale, sidomos ata të njohur për armëmbajtje pa leje apo krimet ndaj jetës të mbahen më tepër në vëzhgim. Mësohet nga Report Tv, se Tahiri, nuk ka lënë pa përmendur edhe elementë të njohur të grupeve kriminale që janë goditur apo që veprojnë në vend dhe kryesisht në Tiranë.

Për ta Tahiri ka kërkuar më tepër mbikëqyrje nga policia dhe hetime me metoda speciale për dokumentimin e aktiviteteve kriminale të tyre. Po ashtu ai ka kërkuar informacion të hollësishëm në lidhje me vrasjen e ndodhur në kryeqytet, ku u vra Elton Çiço.

Më tej Tahiri nuk ka lënë pa vënë në dukje edhe operacionin e fundit ku u arrestua gjyqtari Ibrahim Hoxha, djali i tij dhe dy persona të tjerë për akuzën e korrupsionit. Tahiri nuk nguroi të inkurajojë hetimet për raste të ngjashme të korrupsionit në radhët e zyrtarëve të lartë.

LEXO DHE :  Ministri Gjerman: Dhuna në protestë e papranueshme. Opozita po rrezikon Shqipërinë

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.