Tensionet Serbi-Kosovë/ BE: Përmbahuni! Gjeni një zgjidhje politike
Dritare.net
BBC
Ushtria serbe thotë se është në "nivelin e saj më të lartë të gatishmërisë luftarake" pas disa javësh të përshkallëzimit të tensioneve midis Serbisë dhe Kosovës.
Presidenti Aleksander Vuçiç thotë se do të marrë të gjitha masat për të mbrojtur popullin dhe për të ruajtur Serbinë. Kjo deklaratë pason pretendimet e mediave se Prishtina po përgatit "një sulm" ndaj zonave etnike serbe në veri të Kosovës.
Qeveria në Prishtinë nuk ka bërë asnjë koment lidhur me këto akuza.
Por më parë ka akuzuar Vuçiçin se po luan lojëra për të nxitur telashe. Bashkimi Evropian është përpjekur të ndërmjetësojë. Blloku prej 27 anëtarësh po bën thirrje për përmbajtje maksimale dhe veprim të menjëhershëm dhe që krerët e Serbisë dhe Kosovës të kontribuojnë personalisht për një zgjidhje politike.
NATO, e cila ka trupa paqeruajtëse në Kosovë, u ka bërë thirrje të gjitha palëve që të shmangin provokimet. BE-ja ka paralajmëruar se nuk do të tolerojë sulme ndaj policisë së BE-së ose akte kriminale./L.F-dritare.net