Grida Duma: Shkarkimi i Bushatit është skandal, tashmë PS është përçarë
Dritare.net
“Duhet theksuar më shumë ndëshkueshmëria. Nuk mund të shkojmë në cilat do zgjedhje pa dhënë 3-4 shembuj ndëshkueshmërie. Për të dalë nga cepi ku Rama është vendosur, Rama thotë duhet të ndëshkojmë ata që do të tentojnë të cënojnë zgjedhjet. Patjetër, duhet të bësh pikërisht këtë. Pikërisht këtë po kërkojmë, por ja ta bësh këtë kur të vijnë zgjedhjet e vjedhura,ta bësh këtë sepse të janë vjedhur zgjedhjet”, tha Duma.
Mes të tjerash Duma pretendon se Partia Socialiste është e përçarë dhe se shkarkimi i ministrit Bushati është një skandal.
“PS sot është më shumë e përçarë se mund të duket në publik, për arsye se PS sot nuk përfaqësohet nga qeveria e vet, në kuptimin qoftë edhe të kontributeve që kanë ministrat aktualë, sepse Rama sot po qeveris me ministra teknikë. Në shumicën e rasteve janë njerëz të panjohur që nuk kanë asgjë për të thënë në kuptimin individual. Rama sot ka de facto një qeveri teknike dhe kjo nuk përfaqëson gjë tjetër veçse një grumbull kukullash që ky njeri si e bëri me të gjithë akumulimin në një dorë të ekonomisë me njerëz të vetët, dhe kështu vazhdoi në 6 vite qeverisje. Arriti dhe kulmimin që zhduku edhe ministrat politike. Për mua është skandal i madh ajo që ka ndodhur me Bushatin, është skandal i madh me ministrin e jashtëm. Ai zhduk komponent të rëndësishëm, që kanë kontributin e vet në PS, kjo tregon qartazi që ky individi është individualisht në pushtet. Vetëm ikja e tij tregon sinjalin e parë se kemi vullnet, nëse nuk do të ndodhë kjo atëherë gjithçka tjetër do të jetë farsë”, u shpreh ish-deputetja./ E. K.- Dritare.net