Foto/ Vdekje Amerikës: Në vendet myslimane shpërthejnë protestat, analistët perëndimorë të frikësuar

Në disa prej vendeve me popullsi myslimane, kanë nisur protestat, pas vendimit të Donald Trump, me të cilin Amerika njeh si kryeqytet të Izraelit, Jeruzalemin.

Një gazetë pro-Hezbollah në Liban deklaroi është hapur në faqen e parë, me titullin “Vdekje Amerikës”.

Tensionet në Lindjen e Mesme tashmë janë rritur, ndërkohë që mediat dhe analistët perëndimorë e kanë quajtur të papjekur vendimin e Trump, pasi mund të shkaktojë trazira të mëdha, në një rajon që dukej se kishte rënë në qetësi.

“Sot më në fund, Shtetet e Bashkuara po njohin Jeruzalemin si kryeqytet të Izraelit”, tha dje presidenti amerikan.

Ai tha se Shtetet e Bashkuara po fillojnë procesin e zhvendosjes së ambasadës nga Tel Avivi në Jeruzalem, një zhvillim që po shkakton reagime negative nga shumë vende të botës.

“Jeruzalemi nuk është vetëm zemra e tre feve të mëdha, por tani është edhe zemra e një prej demokracive më të suksesshme në botë”, tha presidenti Trump.

LEXO DHE :  ‘Financial Times’ artikull për Shqipërinë, nga reforma në drejtësi tek kriza politike

“Gjatë shtatë dekadave të fundit, populli izraelit ka ndërtuar një vend ku hebrenjtë, myslimanët, të krishterët dhe njerëzit e të gjitha besimeve janë të lirë të jetojnë dhe adhurojnë sipas ndërgjegjes dhe besimeve të tyre”, vijoi ai.

Presidenti Trump theksoi se Shtetet e Bashkuara “mbeten thellësisht të përkushtuara në përpjkejet për të ndihmuar në arritjen e një marrëveshjeje paqësore të pranueshme për të dyja palët, Izraelin dhe palestinezët”.

“Unë kam ndërmend të bëj gjithçka në fuqinë time për të ndihmuar në arritjen e një marrëveshjeje të tillë”, tha ai.

Shtetet arabe dhe myslimane kanë paralajmëruar se vendimi i debatueshëm mund të nxisë tensione në rajon dhe do të dëmtojë përpjekjet e Shteteve të Bashkuara për të arritur një marrëveshje paqësore arabo-izraelite./D.M-TEMA



PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.