Foto/ Trashëgimtari i ‘Washington Post’ vetëvritet me armë si i ati

I biri i drejtueses legjendare të gazetës gjigante amerikane, “Washington Post”, William W. Graham, bëri vetëvrasje javën e kaluar, njëlloj si babai i tij, botuesi i gazetës Phil Graham, në vitin 1963. William Graham, një avokat 69-vjeçar, u gjet i vdekur nga një plagë me armë zjarri. Graham ishte një avokat i shquar në firmën “Williams & Connolly”, në Uashington DC në vitet 1970. Ai themeloi dhe drejtoi firmën e investimeve “Graham Partners”, të cilën e drejtoi për 20 vjet, përpara se të mbyllte biznesin në vitin 2001.

Nëna e Graham, Katharine ka shërbyer pas asaj ngjarjeje si botuese e gazetës prestigjioze për dy dekadat e ardhshme. Madje mbi jetën e saj është realizuar edhe një film, ku regjisor është Steven Spielberg dhe roli i saj interpretohet nga Meryl Streep.

LEXO DHE :  Protestuesit para Ministrisë së Arsimit, thyejnë xhamat

Filmi ka dalë në kinema këtë dhjetor, me premierën transmetuar në Uashington DC, vetëm gjashtë ditë para vdekjes së trashëgimtarit të “W. Post”.

Gjyshi i tij, Eugene Meyer, bleu “W. Post” në një ankand falimentimi në vitin 1933. Katharine, e cila ishte vajza e Meyer, mbikëqyrte gazetën përgjatë disa prej historive më të rëndë- sishme të publikuara në të, përfshirë skandalin “Watergate”, që detyroi Presidetin Richard Nixon të jepte dorëheqjen në vitin 1974. Në vitin 2013, familja Graham ia shiti gazetën miliarderit Jeff Bezos për 250 milionë dollarë në kesh./L.P./Dritare.net

 

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.