Favorizoi biznesmenin/ Ministria e Financave përgënjeshtron lidhjen me Begon

Pasi Partia Demokratike denoncoi se, ministri i Financave, Arben Ahmetaj ka firmosur në 2016-n për privatizimin e ish-Serës, për favorizim të biznesmenit, Edmond Bego, ka reaguar edhe Ministria e Financave.

Përfaqësuesi tha se, Ministria e Financave është e gatshme të nxjerrë të gjitha dokumentet që provojnë se fituesi i vërtetë nuk është Bego, por trashëgimtarët Pinari. Ai shprehet se, Ahmetaj nuk ka firmos asnjë dokument, që favorizon Begon.

Ky është dokumenti i firmosur nga këshilltari  i Këshillit të Ministrave, i cili i ka hapur procedurë legalizimi në vitin 2007. Dëshiroj të ndalem në dy elementë që sqarojnë pozicionin  e Ministrisë së Financave në këtë objekt. Në asnjë rast ministria e financave nuk ka firmosur asnjë dokument me Edmond Begon. Në asnjë rast ministria e Financave nuk ka asnjë dokument që nxjerr fitues këtë person. Ministria ka favorizuar kalimin e serave në pronësi të trashëgimtarëve Hamdi Pinari. Pagesa është kryer nga trashëgimtarët Pinari. Media është e ftuar për më shumë detaje dhe verifikime pranë Ministrisë së Financave për të gjithë objektet.”,- shprehet përfaqësuesi i Ministrisë së Financave./K.C/Dritare.net

LEXO DHE :  Saimir Tahiri, sot te Krimet e Rënda

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.