Bëhet kryetare e grupit parlamentar të PD, ja urimi i Astrit Patozit për Rudina Hajdarin!
Dritare.net
Përmes një postimi në Facebook, Patozi shkruan se grupi i ri parlamentar demokrat, duhet të bëjë një përfaqësim dinjitoz të elektoratit të djathtë në Parlament, si edhe të përfaqësojë një alternativë të re për të gjithë qytetarët shqiptarë.
“ME KËMBË TË MBARË! Urimet më të mira dhe suksese Grupit Parlamentar Demokrat!
Opozitë të fortë dhe denoncim të qeverisë së korruptuar, në mbrojtje të interesit publik. Përfaqësim dinjitoz të zgjedhësve në parlament dhe përgatitje e alternativës së re për qytetarët shqiptarë.
Fantastike kauza për ndryshimin dhe riformatimin e sistemit politik në Shqipëri, si rruga e vetme për ta nxjerrë shoqërinë nga nofullat e partitokracisë, e cila ushqen korrupsionin, autoritarizmin, padrejtësisë, abuzimin me pushtetin, dhe mbi të gjitha deformon hapur dhe qartë vullnetin e qytetarëve.
Beteja dhe fitorja e kësaj është parakushti kryesor për zgjedhjet e lira dhe të ndershme në Shqipëri. Me këmbë të mbarë!”, shkruan Patozi./E.B-dritare.net