Zuckenberg do të sjellë risinë e pabesueshme në FB, tani njerëzit mund të gjejnë të dashur!

Shefi i “Facebook”, Mark Zuckenberg, tha se 2018-a kishte qenë një vit shumë intensiv për kompaninë e tij.

Por, ai edhe shfrytëzoi mundësinë për të prezantuar një shërbim takimesh, mes produkteve të reja në konferencën e përvitshme të mbajtur në San Jose të Kalifornisë. Ai i tha audiencës se shërbimi i takimeve do të kishte në plan të parë çështjet e privatësisë dhe do të lancohej shpejt. Kompania nuk mundet të përballojë edhe një tjetër skandal të dhënash ndërkohë që është e përfshirë në aferën e Cambridge Analytica.

Ka 200 milionë njerëz në “Facebook” që e listojnë veten si single – tha Zuckenberg. Dhe nëse ne jemi të angazhuar të ndërtojmë marrëdhënie domethënëse, atëherë kjo ndoshta është më domethënësja e të gjithave. Aksionet në biznesin e takimeve, Match Group, ranë pas këtij njoftimi me 22 për qind. Kompania zotëron “Tinder”, një aplikacion takimesh që i merr informacionet e profilit nga “Facebook”.

LEXO DHE :  Aksident/ Humb jetën i riu shqiptar, plagosen 4 të tjerë në Itali

Ky i fundit është përballur me kritika të ashpra që kur u bë e ditur se nuk kishte mundur të pikaste se Cambridge Analytica, kishte fshirë të dhëna të mbledhura për miliona përdorues të tij. Zuckenberg tha se kjo ishte një shkelje e rëndë besimi që nuk duhet të ndodhë më. Si pjesë e përpjekjeve për të rikthyer besimin, ai tha se kompania po ndërtonte një mekanizëm të ri për të pastruar historikun, që i mundëson personave me më shumë kontroll të menaxhojnë përdorimin e informacionit të tyre.

Ky mekanizëm do ti lejojë anëtarët e “Facebook” të shikojnë se cilat palë të treta apo aplikacione mbledhin të dhëna dhe i jep mundësinë të fshijnë informacione. Ai nuk i mundëson “Facebook” t’i shtojë këto detaje në profilin e tyre në të ardhmen. Sidoqoftë, “Facebook” ka pranuar se mekanizmi do të kërkojë disa muaj kohë deri sa të jetë gati. /Tch/

Lini një koment

Adresa juaj e-mail nuk do te publikohet.


*


This site uses Akismet to reduce spam. Learn how your comment data is processed.