U vetëvra me armën e shërbimit, familja e vesh nuse. Pengu i nënës: Si nuk më le një amanet?

I kishin veshur fustan të bardhë e do ta përcjellin nuse drejt banesës së fundit, me një të vërtetë që me sa duket e ka munduar pafund dhe që do ta marrë me vete pa ja rrëfyer askujt, oficerja 23-vjeçare e policisë Peranxhela Shahini.

 

 

Familja e saj në Katund Sukth të Durrësit, aty ku kishte lindur dhe ishte rritur ka hapur dyert e mortit, siç bën me dije për BalkanWeb gazetarja Klodjana Haxhiaj, ndërsa britmat e nënës dhe tre motrave dëgjohen deri në rrugë.

Të gjithë i mundon arsyeja që e shtyu 23-vjeçaren të ndërmerrte aktin e rëndë, e mes kujës dhe vajit nëna e saj pyet pambarimisht: “Si nuk më le një amanet. Si nuk më le një letër bija ime?”.

LEXO DHE :  Kërkojnë ndihmë në Dritare/ Ta ndihmojë Naze Markun që vuan nga kanceri i gjirit

Lotëve dhe dhimbjes së familjarëve iu bashkun këtë mbrëmje dhe koleget më të afërta të Peranxhelës, për të cilat, sot dukej më e bukur se kurrë. “Dukej si në gjumë aq të bukur e kishin bërë, të veshur nuse me të bardha”.

Koleget treguan ndër të tjera se nuk kishin vërjtur ndonjë mërzi e aq më pak shenja depresioni që mund ta shtynin drejt një akti të tillë shoqen e tyre.

“Ishte vajzë që ndihmonte familjen, e pjekur dhe e përgjegjshme në maksimum. Me pagën e saj mbante familjen që jetonte në fshat”,- thanë ato ndër të tjera./BW

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.