Sallata me brokoli dhe ullinj është ideale për këto ditë të ftohta

Një sallatë me brokoli është fantastike për këto ditë të ftohta dimri. Vlerat ushqyese dhe vitaminat që përmban ky perim ndihmojnë në imunitetin tuaj. Mundeni edhe të përgatisni një sallatë fare të thjeshtë dhe të shpejtë me brokoli të zier, kripë vaj ulliri dhe limon, por ne të dritare.net sot në këtë artikull ju sjelli, një recetë tjetër shumë të shijshme. Kush i pëlqen ullinjtë, duhet patjetër ta provojë këtë sallatë me brokoli dhe ullinj.

Ja përbërësit që duhen:

1 kg brokoli

2 feta bukë

1 limon

15 ullinj

Djathë parmixhano ose tjetër

Pak gjalpë

Vaj ulliri

Kripë

Piper i zi
Ja si mund ta përgatisni sallatën e brokolit me ullinj 

Prisni brokolin në copa të vogla dhe vendoseni të ziejë në një tenxhere me ujë dhe kripë për rreth 5 minuta.

LEXO DHE :  Ja pse duhet të pini ujë me limon çdo mëngjes!

Shtrydhni limonin dhe lëngun hidheni në një enë. Në të hidhni kripën, piperin dhe vajin e ullirit.

Kullojini brokolin e zierë dhe shtojini edhe ato në enën me përbërësit e tjerë.

Përziejini mirë përbërësit dhe lëreni mënjanë.

Prisni fetat e bukës në kubikë  dhe kaloni në një tigan me pak gjalpë dhe më pas hidhini në pjatën e sallatës.

Ullinjtë i prisni në kubikë ose feta rrethore dhe shtojini në sallatë së bashku me djathin.

Përziejini mirë të gjithë përbërësit që të lidhen me njëri- tjetrin dhe në kaq pak minuta është gati për tu konsumuar. përgatiteni edhe ju sepse ka për t’iu pëlqyer shumë./A.C/dritare.net

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.