Rreziku i ndërhyrjeve estetike. Mjekët: Shqiptarët, të ekspozuar nga sëmundjet

Trendi i vajzave të reja dhe jo vetëm për të zbehur rrudhat në fytyrë apo për të zmadhuar pjesë të ndryshme me “lifting” apo mbushje, por pa menduar se ku dhe kush ua bën këto procedura, mund të shndërrohet në një “bombë shëndetësore” në të ardhmen.

Kjo, pasi për arsye financiare, vajzat dhe gratë këto procedura i kryejnë edhe nëpër parukeri. Në ShBA janë zbuluar raste të infektuar me HIV/AIDS.

Dermatologia Erjona Shehu shpjegon: “Ku ka shpime, ka rrezik. Duhen ngritur shumë pikëpyetje mbi mënyrën si funksionon gjithë ky zinxhiri i rekuperimit të shenjave të plakjes. Për shkak të mungesës së filtrave, ne jemi shumë më të ekspozuar”.

LEXO DHE :  Meghan Markle: Do komunikoj me babanë , kur ai të mos flasë më në media

Janë të shumta parukeritë apo sallonet që thjesht ofrojnë ambiente dhe aparatura, ndërkohë që personi që kryen këto proceduara nuk ka informacion për kujdesin që duhet treguar me agen apo kur punohet me gjakun e tjetrit.

“Që të punosh me gjakun e dikujt, nuk realizohet me ambient luksoz dhe teknologji, por duhet të kesh certifikim”, shtoi Shehu.

Rastet e infektuara me HIV/AIDS në ShBA kanë alarmuar dermatologët dhe sistemin shëndetësor atje.

Nëpërmjet injektimeve përhapen një sërë sëmundjesh infektive si hepatite, HIV/AIDS, por nga ana tjetër, kur procedurat estetike nuk kryhen nga profesionistë, individi mund të përballet me shtrembërime të parikuperueshme në fytyrë./ I.M-TopChannel

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.