Raporti i ARRSH/ Cilat ura rrezikojnë shembjen në Shqipëri!

Ura e Tapizës, në dalje të segmentit Kamëz-Fushë Krujë, e ndërtuar në vitet ’70 , paraqitet në gjendje të degraduar dhe përveç kësaj mungon sinjalistika e cila tregon tonazhin e lejuar të automjeteve të cilat mund të kalojnë mbi të.

Kushtet teknike të disa prej urave të ndërtuara para viteve ’90 në vendin tonë janë në gjendje të dobët, edhe pse qarkullimi i automjeteve është i lartë. Më alarmante gjendja paraqitet tek urat e Dragotit dhe ajo e Leklit në Tepelenë. Tv Klan mëson se një ndërhyrje emergjente kërkojnë edhe ura e Zemblakut ne Korçë dhe ajo e Kaludhit në Përmet.

Burime zyrtare nga ARRSH bëjnë me dije se edhe dhjetëra ura të tjera kërkojnë ndërhyrje për shkak të gjendjes së amortizuar. Ky autoritet ka bërë gati edhe studimin e këtyre ndërtimeve infrastrukturore si dhe fondin e nevojshëm për ndërhyrje.

LEXO DHE :   Policia në kërkim të ish-kryeministrit, Gruevski kërkon azil në Hungari

Përveç ndërhyrjeve teknike Autoriteti Rrugor Shqiptar dhe Policia Rrugore kanë nisur edhe një inspektim të sistemit të sinjalistikës vertikale dhe horizontale për tregimin e peshës së lejuar për kalimin e mjeteve mbi këto ura.

Pas ngjarjes tragjike në Genova të Italisë ku nga shembja e urës Morandi humbën jetën 43 persona, mes tyre edhe dy shqiptarë, ekspertët e ndërtimit në Shqipëri ngritën alarmin për strukturat rrugore dhe godinat e ndërtuara përpara viteve ’90, të cilat sipas tyre kërkojnë ndërhyrje emergjente pasi nuk janë të sigurta./Tv Klan

 

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.