Prindërit e autorit të masakrës, tregojnë çfarë ndodhi para ngjarjes

Sadik dhe Lindita Zykaj, dy prindërit e autorit të vrasjes së 8 personave, në fshatin Resulaj, janë marrë në pyetje nga policia e Vlorës.

Prindërit e 24 vjeçarit Ridvan Zykaj, kanë deklaruar se para krimit, djali i tyre ka diskutuar me njërën nga gratë e kushërinjve të tij, sepse kjo e fundit e ka akuzuar për vjedhjen e pulave.

Kjo ka mjaftuar që i riu të çohej nga tavolina, të merrte armën kallashnikov, dhe të shuante 8 jetë.

“Njëra nga dy gratë e familjes e ka akuzuar djalin se u ka vjedhur pulat. Djali nuk e ka pranuar këtë gjë, duke u çuar nga tavolina dhe ka ikur”, kanë deklaruar dy prindërit para oficerëve të Policisë në Vlorë.

LEXO DHE :  Veliaj dhe myftiu i Tiranës në shërbim të qytetarëve, në ditën e Kurban Bajramit

Në deklaratën e tyre ata thonë se nuk e dinë se ku e ka gjetur armën 24 vjeçari, duke u justifikuar se nuk kanë pasur një të tillë, por fqinjët thonë të kundërtën. Ata thonë se kanë dëgjuar shpesh të shtëna armësh në fashat nga i riu.

Veç prindërve dhe motra me vëllanë e autorit, janë marrë në pyetje për të dhënë deklaratën e tyre./E.B-dritare.net

Lini një koment

Adresa juaj e-mail nuk do te publikohet.


*


This site uses Akismet to reduce spam. Learn how your comment data is processed.