Përplasja e policëve me Audi, gazetari: Dosja u kthye pa autorë në Elbasan

Gazetari Trashgim Sokolaj i ftuar në “Arena” nga Dritan Hila në Ora News, tha se dy ditë më parë, Prokuroria e Krimeve të Rënda ktheu në Elbasan dosjen e përplasjes së oficerëve të policisë me një Audi rreth një vit më parë, duke ia dorëzuar prokurorisë lokale dosjen pa autor.

 

‘Më tërhoqi vëmendjen para dy ditësh një vendim i Prokurorisë së Krimeve të Rënda për të kaluar në Elbasan dosjen e goditjes së patrullës së policisë para një viti me atë audin e famshëm. Pas asaj ngjarje u bë një rrëmujë e madhe. Ministri i Brendshëm shkoi tre herë atje. I shkarkua zinxhiri drejtues i policisë së Elbasanit, u çua një nga efektivët më të zgjedhur në atë kohë zv/drejtor i Policisë, dhe sot që flasim Krimet e Rënda e kanë kthyer në Elbasan, pasi nuk ka elementë të krimit të organizuar. Nuk është vetëm problem i Prokurorisë, por edhe i policisë. Kjo ngjarje ku vetë policia është e dëmtuar dhe ku shumica e qytetarëve të Elbasanit e dinë shumë mirë kush ishin autorët, kthehet atje pa autorë në Prokurorinë e Elbasanit a thua se është një vjedhje marketi në një rrugë të humbur. “, tha Sokolaj/Oranews/

LEXO DHE :  Nis protesta , banorët e Astirit bashkohen me studentët

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.