Përgjigjja e të gjitha lutjeve kundër osteoartrozës së gjurit është Arthryl
Dritare.net
Personat më të goditur janë ata mbi 45 vjeç, por dhe mosha më të reja. Gjithashtu, mund të preken meshkujt dhe femrat. Artroza është forma më e shpeshtë e artritit dhe shkaku më i shpeshtë i paaftësisë në botë. Pas gjunjëve, më të prekur janë baçini, bërrylat dhe kolona. Shfaqja kryesore klinike e sëmundjes është dhimbja. Dhimbja shkakton kufizime të lëvizjes dhe të aktiviteteve të përditshme duke dëmtuar kështu cilësinë e jetës së pacientit, me impakt social dhe ekonomik.
Por, një sëmundje që deri tani ka patur si kurë ushqimin, sportin dhe metoda të tjera alternative, tashmë e ka një armik dhe ky quhet ARTHRYL. Ky i fundit është produkti më i ri i prezantuar nga kompania “Mylan”, që vepron në Shqipëri dhe Kosovë.
Arthryl® përmban glukozaminë sulfat kristalinë farmaceutike, duke u përputhur kështu me të gjithë udhëzuesit më të fundit klinikë në trajtimin e kësaj sëmundje. Kush e thotë këtë? Këtë e thonë ekspertët dhe specialistët më të mirë në fushën e osteoartrozës, të cilët bashkë me prof. dr. sc. Marco Paoloni, Shefi i Departamentit të Anatomisë dhe Histologjisë, Mjekësisë Ligjore dhe Ortopedisë në universitetin “La Sapienza” në Romë, një autoritet që spikat në fushën e osteoartrozës, mbajtën një leksion profesional në Tiranë, mbi rolin e glukozaminë sulfat kristalinës në trajtimin e osteoartrozës.
Prof. dr. sc. Marco Paoloni paraqiti gjithashtu rezultatet e studimeve klinike, të cilat provojnë se vetëm glukozamin sulfat kristalina farmaceutike, për shkak të formulës së saj të qëndrueshme, tregon efikasitet në trajtimin e osteoartrozës dhe, për pasojë, është i regjistruar si bar që redukton dhimbjen, përmirëson funksionin artikular dhe redukton në mënyrë të dukshme progresin e sëmundjes, duke reduktuar eventualisht nevojën për ndërhyrje kirurgjikale për shkak të ndryshimeve pozitive në kartilagun kockor. Qëllimi kryesor i trajtimit është reduktimi i dhimbjeve, përmirësimi i lëvizshmërisë dhe ngadalësimi progresiv i sëmundjes.
Një nga sfidat më të mëdha në trajtimin e osteoartrozës së gjurit është që të arrihet një periudhë e gjatë e qëndrueshme remisioni, pa progres të sëmundjes.
Mjekët specialistë në trajtimin e osteoartrozës, gjatë prezantimit janë shprehur se Arthryl®, do të kontribuojë për një efekt më të mirë në trajtimin e kësaj sëmundjeje. Përshkrimi specifik i barit ndihmon në lehtësimin e simptomave të formave të lehta deri mesatare të osteoartrozës së gjunjëve. Bari është i efektshëm në trajtimin e dhimbjeve kronike, por jo për dhimbjet akute. Rezultatet e studimeve klinike kanë treguar se lehtësimi i simptomave, veçanërisht të dhimbjes, zakonisht arrihet pas dy deri tre javëve mjekimi të vazhdueshëm. Arthryl® jepet nga goja, në trajtën e granulave të tretshme në ujë dhe do të mund ta gjeni në të gjitha farmacitë gjatë gjysmës së muajit qershor, pa nevojën e recetës mjekësore.