Ndalimi i kafeneve dhe mbeturinat, Ministria e Brendshme: Ja pse u vendos kështu!

Lidhur me dy urdhrat e parë të dhënë nga zëvendësministri i ri i Brendshëm, Sandër Lleshi, ka reaguar edhe Ministria e Brendshme, e cila ka bërë një sqarim për të gjithë.  Në urdhrat e tij, Lleshi parashikonte ndalimin e frekuentimit të lokaleve nga  vartësit dhe punonjësit e Ministrisë, ndërsa urdhri i dytë synon parandalimin e fenomenit të djegieve në venddepozitimet e mbetjeve. Ministria e Brendshme ka bërë një sqarim për të gjithë. Sipas Ministrisë, ndalimi i frekuentimit të kafeneve nga punonjësit, lidhet me nevojën për një performancë të lartë dhe ruajtjen e imazhit në publik. Ndërsa në urdhrin e dytë, për ndalimin e fenomenit të djegieve të mbetjeve, në venddepozitim, Ministria sqaron se, kjo është për t’i dhënë fund një praktike absurde dhe të rrezikshme për jetën dhe shëndetin e qytetarëve.

Reagimi i Ministrisë se Brendshme

Ministria e Brendshme vlerëson të nevojshme të sqarojë se urdhri administrativ për punonjësit e administratës së Ministrisë së Brendshme, punonjësve të Policisë së Shtetit dhe institucioneve të tjera të varësisë, lidhet me nevojën për një performancë më të lartë dhe imazhin e duhur publik.

Urdhri i Zv.Ministrit të Brendshëm për Drejtorin e Përgjithshëm të Policisë së Shtetit synon parandalimin e fenomenit të djegieve në vend-depozitimet e mbetjeve. Kjo për t’i i dhënë fund një praktike absurde dhe të rrezikshme për jetën dhe shëndetin e qytetarëve.

Ministria e Brendshme dhe Policia e Shtetit është e vendosur për të marrë masa të forta ndaj kujtdo shkelësi, autoriteteve vendore, atyre të Mjedisit dhe subjekteve apo individëve të tjerë, që me veprime apo mos-veprime shkaktojnë pasoja të rënda për jetën dhe shëndetin e qytetarëve. Ditët e fundit një problematikë e shtuar lidhur me djegien e mbeturinave në vende të hapura apo pranë qendrave të banuara është konstatuar në qarqet Durrës, Vlorë, Kukës, Tiranë e Dibër.

Në këto kushte strukturat vendore të Policisë së Shtetit kanë ndërmarrë masa urgjente për të mbajtur nën kontroll situatën në të gjithë territorin e vendit, duke ushtruar patrullime shtesë në këto zona dhe duke punuar ngushtësisht me strukturat përgjegjëse në Prefektura, Bashki, si dhe me ato të Ministrisë së Turizmit dhe Mjedisit për ta zgjidhur përfundimisht këtë problematikë.

Duke përfituar nga ky komunikim, Ministria e Brendshme dhe Policia e Shtetit apelon dhe fton qytetarët të denoncojnë çdo krim mjedisor e paligjshmëri në numrin falas 112 apo aplikacionin Komisariati Dixhital, duke garantuar reagim të shpejtë dhe të ashpër ndaj shkelësve./K.C/dritare.net

LEXO DHE :  50 Podcastet më të mira të vitit 2017

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.