Kujt i shërben djegia e mandateve të PD-së?

Nga Dritan Hila

Megjithëse kauza e shembjes së teatrit nuk ishte e PD-së, ajo iu bashkua, dhe tani pas tërheqjes së disa figurave të spikatura të trupës së aktorëve, ajo ka marrë peshën kryesore.
Votimi në parlament i ligjit që i hapte rrugë shembjes së tij, disa nga figurat e grupit të deputetëve të saj bënë një kundërshtim dinjitoz të ligjit, por forca e numrave të socialistëve bëri të vetën.
Pas kësaj shumë ndjekës të PD kërkojnë djegien e mandateve. Është e disata herë që e kërkojnë, dhe më shumë sesa rrjedhojë llogjike e një lufte të planifikuar politike, është tregues i frustrimit të tyre.
E vërteta është që kjo maxhorancë nuk është aspak mirëkuptuese me minoracën. Hiq ato ligje si ai i dekriminalizimit, të cilat janë miratuar për shkak të presionit ndërkombëtar, për të tjerat maxhoranca nuk ka pasur shumë kuptim, por edhe opozita nuk është se nuk bën marrëveshjet e veta për ato që janë nën rrogoz.
Gjithsesi, këtë valë frustrimi, e cila është e disata, Basha është përpjekur ta kalërojë. Ndoshta për mungesë nuhatjeje politike e cila duket që i mungon, në vend se ti çojë në kreshendo, i ka ulur. Mbase është edhe llogaritje forcash. Ka tre vjet të gjatë përpara të cilat nuk i japin mundësi ti bëjë dëm Ramës. Por perceptimi është që ka një marrëveshje me Ramën, të cilën nuk e rrëzon dot me disa të shara ngfa podiumi i parlamentit. Njerëzit e dinë që ajo është vetëm teatër.
Nuk do ta ndihmojë as djegia e mandateve. Aq më pak për një çështje si ajo e teatrit e cila është shumë sensibël por bën mirë mos të komandohet nga PD-ja e cila edhe në raste të tjera ka treguar se i le në mes të rrugës. Ata që e kërkojnë nuk e mendojnë gjatë, por është një rrugë që të çon askund dhe i heq opozitës një dritare të çmuar për t’u dëgjuar siç është kuvendi.
E megjithatë disa gjëra duhet ti bëjë, duke filluar nga protestat e tij duhet të jenë pak më agresive. Rama vetëm nga ajo ka frikë.
Gjithashtu duhet të jetë më i kursyer në përdorimin e togfjalëshit “vetëm mbi trupat tanë do kaloni” sepse është tejkonsumuar.
Dhe të godasë Ramën tek thembra e Akilit siç është lidhja me oligarkët dhe plaçkitja e buxhetit. Por tek kjo e fundit dukert se ka probleme të mëdha dhe nuk i duhet kërkuar.
Këto janë vetëm disa hamendësime, sepse pak njerëz mendojnë se Basha mund të rrëzojë Ramën. Shumica shpresojnë tëk vithisja e një pushteti i cili tashmë qeveris i pakontrolluar./dritare.net

LEXO DHE :  Grabitet supermarketi, shtëpia dhe bulmetorja në Tepelenë

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.