Gjonaj paralajmëron policët e burgjeve: Mos lejoni të jeni në krahun tjetër të hekurave

Ditën e sotme, ministrja e Drejtësisë, Etilda Gjonaj, nga Akademia e Sigurisë dha një mesazh të qartë për të gjithë punonjësit e rinj të policisë së burgjeve. Sipas Gjonajt, nëse policët e rinj korruptohen, ata do të përfundojnë pas hekurave.

Gjonaj gjithashtu ka folur edhe për reformën në drejtësi, ku nëpërmjet saj do të shihet edhe trajtimi financiar për policët e rinj të burgjeve.

 

“Kur duan t’ju korruptojnë, duhet të kujtoni se sa mund dhe djersë iu është dashur të jeni pjesë e këtij sistemi dhe mos e lejoni të jeni në krahun tjetër të hekurave, si të dënuar. Jemi të vendosur të ndjekim penalisht të gjithë ata efektivë që do tentojnë të korruptohen. Kjo është reforma më e madhe në burg, dhe si e tillë ajo ka pasur dhe do ketë vëmendjen maksimale. Paketa e dytë ligjore e reformës ka parashikuar ndryshime në dhënien e një statusi të veçantë të punonjësve të policisë në burgje. Po ashtu do shihet edhe trajtimi financiar.”,-tha Gjonaj./K.C/Dritare.net

LEXO DHE :  Disa truke për ta bërë banjën tuaj të duket më e madhe

Lini një koment

Adresa juaj e-mail nuk do te publikohet.


*