Flutura Açka humb djalin e vetëm, ja mesazhi rrëqethës i saj!

Mesnatën e kësaj të diele, shkrimtarja e mirënjohur shqiptare, Flutura Açka ka humbur djalin e saj të vetëm. Këtë lajm të hidhur vetë shkrimtarja e ka ndarë me ndjekësit në Facebook. Djali i shkrimtares u nda nga jeta,  pas betejës me një sëmundje të rrallë që e kishte prekur kohët e fundit.

 

 Postimi i Flutura Açka

Miqtë e mi,

Mbrëmë, në një orë të vonë të natës, u nda nga jeta Biri im i vetëm, Jerin van den Brink, në të tetëmbëdhjetat e tij, prej një sëmundjeje shumë të rrallë, nga e cila vuajti kohët e fundit. Nuk është e lehtë për një nënë ta lyejë bojën me të zezë për të tillë lajm, as ta pranoj humbjen e qenies më të dashur që pata, dhe kam, mbi këtë dhé. Me drojën se nuk do të mësohem kurrë me mungesën e tij, uroj të dëgjoj vetëm lajme të mira prej jush. Sipas dëshirës së Jerinit, ceremonia e lamtumirës do të mbahet me një rreth të ngushtë familjar e shoqëror në Utrecht të Holandës, ku im Bir jetonte prej disa vitesh, pas një fëmijërie të gjatë në Shqipëri. Për miqtë e mi në Shqipëri, do të jem në Atdhe përgjatë muajit qershor.

Flutura

Dritare.net ngushëllon Flutura Açkën për humbjen e madhe dhe të pangushëllueshme./K.C/dritare.net

LEXO DHE :  Rama nuk ofendon gazetarët, fyen të vërtetën

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.