Beti Njuma poston videon: Aksioni i pazakontë për të shpëtuar miken tonë, nga aksidenti i rrezikshëm!

Drejtoresha e Informacionit të “Ora News”, Beti Njuma, së fundmi ka publikuar një video në Instagram, ku tregon për aksidentin që një shoqja e saj pësoi teksa po ngjitej në Malin e Çikës në Llogora. Gazetarja falënderon Ministrinë e Mbrojtjes, pilotët e Forcave Ajrore, dhe mjekët që shpëtuan miken e tyre pas aksidentit. Me gjithë terrenin e vështirë malor, sipas gazetares, misioni i pazakonte i shpëtimit u krye me sukses. Njuma gjithashtu falënderon edhe ministren e Shëndetësisë, Ogerta Manastirliu për gatishmërinë e treguar.

“Të dashur miq, videon që po postoj e kam xhiruar dje pasdite në Malin e Çikës në Llogara, në lartësinë 1400 metra. Një nga shoqet e grupit të ngjitjeve alpinistike pësoi një rrëshqitje që mund të kish qenë fatale, për të dhe ne që e kemi pasion këtë sport. 
Zoti deshi që shoqja jonë të shpëtonte ndonëse pësoi dëmtime serioze në disa pjesë të trupit. Ishte ndihma dhe ndërhyrja spektakolare e helikopterit të Ministrisë së Mbrojtjes, pilotëve Faslli Spahiu dhe Anduel Llazari të Forcës Ajrore, baza e Farkës ddhe mjekëve që e shpëtuan miken tonë duke e transportuar nga maja e malit drejt Tiranës. Menjëherë sapo mori njoftimin nga ne, misioni i shpëtimit nga Qendra Kombëtare e Urgjencës Mjekësore, Njësia 🚁 u nis drejt Çikës duke realizuar këtë mision të pazakontë shpëtimi, që zgjati mbi tre minuta, në një terren të vështirë malor me pjerrësi të skajshme. ‪Faleminderit grupit të Emergjencës së Ministrisë së Shëndetësisë për ndërhyrjen në kohë rekord, pilotëve për profesionalizmin e lartë dhe ministres Manastirliu për gatishmërinë e treguar. Së fundi një falënderim për të gjithë çunat dhe gocat e HAMC për solidaritetin dhe ndihmën e parë që dhanë në mal për shoqen e dëmtuar.”,- shkruan gazetarja./K.C/dritare.net

LEXO DHE :  Australia po shqyrton raportet me Turqinë, pas deklaratave të Erdogan për australianët

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.