10 gjërat që e bëjnë një shtëpi të duket rrëmujë

Ju ka ndodhur ndonjëherë pavarësisht se gjithçka është në rregull në shtëpinë tuaj, prapë diçka nuk shkon dhe ju duket rrëmujë. Epo. Kjo ndodh sepse ju bëni disa gabime të vogla në mobilim dhe në mënyrën si zgjidhni t’i vendosni në dhomën tuaj gjërat. Për shembull shumë pasqyra dhe raftet e hapura etj, këto jo vetëm e bëjnë shtëpinë të duket rrëmujë, por edhe duan kohë për t’u pastruar.

Ne të dritare.net kemi mbledhur disa këshilla që mund t’i përdorni  në shtëpinë ose apartamentin tuaj.

 

1. Divani krevat

Mos blini asnjëherë divan krevat, duken shumë keq dhe janë të parehatshëm. Dritare.net ju sugjeron të blini një shtrat të rregullt, sepse edhe shtëpia duket e rregullt, edhe gjumi është i rehatshëm. Krevati qëndron në një gjendje të mirë për shumë kohë, ndërsa divani krevat bie shpejt dhe transformohet.

2. Koleksioni i qeseve plastike

Të gjithë e kemi atë qesen e mbushur me qese. Ne nuk i hedhim qeset, sepse mendojmë se do na duhen një ditë. Por çfarë kur ata kthehen në një rrëmujë të vërtetë?

Dritare.net ju sugjeron që këto qesë t’i mbani në një kuti të vogël, dhe jo të mbani çdo qese që sillni në shtëpi. Qeset e panevojshme çojini për riciklim.

3. Shumë kuti

E dimë që është një mënyrë shumë komforte mbajtja e gjërave në një kuti, por përdorimi i shumë kutive jo vetëm bën rrëmujë, por edhe të merr kohë duke kërkuar diçka. Dritare.net ka një ide: Rrobat mbajini në gardërobë dhe ata kuti që keni, emërojini. Sipër tyre shkruani çfarë ka brenda.

4. Mbingarkim me rroba në varësen e sallonit

Pallto, shall, çantë e gjithçka ju keni për të hequr kur futeni brenda, i varni në varësen e sallonit. Por e keni menduar ndonjëherë sa shëmtuar ngjajnë shumë gjëra aty? Është kaq i lehtë menaxhimi i tyre! Thjesht vendosini në raftin e rrobave gjërat dhe problemi i rrëmujës zgjidhet.

5. Nuk keni vend për këpucët

Edhe nëse jeni të kujdesshëm me vendin ku vendosni këpucët, përfundimisht vendi i tyre do të duket  një rrëmujë gjithsesi., sidomos në dimër. Por në kohën ku ne jetojmë ka shumë alternativa ndihmuese. Ju mund të përdorni raftet vertikale dhe një ventilues për ajrosje.

LEXO DHE :  OBSH: Nëse doni të dobësoheni shëndetshëm, provoni dietën nordike

6. Pasqyrat gjigande

Pasqyrat e mëdha në dhomat e gjumit shpesh janë dyert e dollapit të rrobave. Ata bëjnë një dhomë të vogël të duket e madhe, por mos harroni se ata kërkojnë pastrim të rregullt, dhe sidomos po kishit shumë dritë dielli në dhomë që e tregon qartë pluhurin. Nëse nuk doni t’i pastroni përditë, shmangini këto lloj pasqyrash.

7. Varëse rrobash prej teli

Varëset e teli janë një faktor që ndikon në prishjen e rrobave. Pa dashje ju mund të dëmtoni rrobat tuaj duke i nxjerrë nga dollapi, prandaj dritare.net sugjeron për ju, të përdorni varëse druri. Ata duken shumë mirë dhe iu shmangin probleme.

8. Raftet e hapura

Raftet e hapura, në kuzhinë, janë shumë të populluara. Për fat të keq kuzhina ka shumë pluhur, dhe kur pluhuri miksohet me yndyrë, imagjinojeni vetë çfarë pastrimi do të bëni. Një tjetër gjë negative për raftet e hapura është se çdo gjë duhet vendosur në mënyrë të rregullt, sepse po nuk i vendose, duken shëmtuar. Prandaj dritare.net ju sugjeron një opsion të lehtë, rafte të mbyllura. Kjo e bën kuzhinën më estetike

9. Hija e errët e llambave

Hije të errëta nuk lejojnë që drita të kalojë shumë mirë, kështu që dhoma do të jetë gjithnjë pak e errët. Për të zgjidhur këtë problem është të ndryshoni ngjyrën e hijeve. Një poç më të ndritshëm është ajo që dritare.net ju sugjeron

10. Pasqyrat e mëdha në banjë

Një pasqyrë e madhe në banjë që fillon menjëherë mbi lavaman shpejt mbulohet me njolla të ujit. Dhe nuk është fare mirë për ju që të pastroni pasqyrën në banjë disa herë në ditë.  Zgjidhni një pasqyrë disa centimetra lartë lavamanit, kjo do t;ju ndihmojë shumë./E.B- dritare.net

Lini një koment

Adresa juaj e-mail nuk do te publikohet.


*